Delhi nursery admissions: Lt Guv issues fresh guidelines, school authorities unhappy
شہر کے اسکولوں میں نئے نرسری داخلوں کے لیے رہنما یانہ خطوط کا والدین نے خیر مقدم کیا ہے لیکن مینجمنٹ کو ٹہ ختم کردینے سے اسکول حکام ناراض ہیں ۔ وہ اس بات سے بھی ناخوش ہیں کہ فکسڈپوائنٹ سسٹم متعارف کرایا گیا ہے اور اسکول کے اطراف 6کلو میٹر کے دائرہ میں رہنے والے بچوں کو داخلوں کے لیے ترجیح دی جارہی ہے ۔ ایک مشہور خانگی اسکول کے پرنسپال کے مطابق اسکول کے اطراف 6کلومیٹر کے دائرہ میں رہنے والے بچوں کو100میں سے 70پوائنٹ دئیے جارہے ہیں جو کہ دوردرازرہنے والے بچوں کے ساتھ ناانصافی ہے ۔ انھوں نے کہا کہ جن افراد کے محلوں میں اچھے اسکول نہیں ہیں وہ دیگر علاقوں کے اسکولوں میں داخلہ حاصل کرنے کی کوشش کرتے ہیں ۔یہ نیا قانون ان کے لیے ایک زبردست دھکا ہے ۔ اس کے علاوہ نئے رہنما یانہ خطوط حق تعلیم قانون کے بھی مغائر ہیں ۔ حق تعلیم قانون کے تحت اسکول کے ایک تا3کلومیٹر کے دائرہ میں واقع علاقوں کو پڑوسی علاقے قرار دیا گیا ہے لیکن رہنما یانہ خطوط کے تحت اس دائرہ کا فاصلہ بڑھا کر 6کلو میٹر کردیا گیا ہے ۔یہ کافی بڑا علاقہ ہوتا ہے ۔ اسکول کے حکام نے مینجمنٹ کوٹہ کی برخواستگی کو ان کے حقوق میں مداخلت قرار دیا ہےْ جنوبی دہلی کے ایک مشہور اسکول کے پرنسپل نے کہا کہ ہمیں اس بات پر مجبور کیا گیا تھا کہ ہر اسکول میں 25فیصد نشستیں کمزور طبقات سے تعلق رکھنے والے طلباء کیلیے محفوظ رکھی جائیں ۔ اب مینجمنٹ کوٹہ بھی ختم کردیا جارہا ہے ۔ ہمارے ادارے خانگی اور غیر امدادی ہیں ۔اس قسم کی مداخلت ہمارے لیے سخت تکلیف وہ ہے ۔ ان خانگی اسکولوں کے عہدیدار نئے رہنما یانہ خطوط پر تبادلہ خیال اور مستقل کے لائحہ عمل کے لیے جلد میٹنگ کریں گے ۔
کوئی تبصرے نہیں:
ایک تبصرہ شائع کریں