Corporates back Narendra Modi as he offers to help them: Prakash Karat
سی پی آئی ایم نے آج کہاکہ نریندرمودی کی زیرقیادت بی جے پی کوبڑے کارپوریٹ اور تاجرگھرانوں کی غیرمعمولی تائیدحاصل ہورہی ہے کیوں کہ اس نے یہ واضح اشارے دئیے ہیں کہ وہ برسراقتدارآنے پر کانگریس زیرقیادت یوپی اے سے زیادہ بہترطریقے سے ان کے مفادات کی تکمیل کرے گی۔پارٹی جنرل سیکریٹری پرکاش کرت نے یہاں پی آئی ایم کے کیرالایونٹ کے3روزاجلاس پلینم کاافتتاح کرتے ہوئے کہاکہ بائیں بازوجماعتوں کا مقصدکانگریس اوربی جے پی کی مخالفت کرناہے کیوں کہ صرف وہی ایسی جماعتیں ہیں جنھیں اس لڑائی کوآگے بڑھانے عوام کا بھروسہ اوراعتمادحاصل ہے۔پرکاش کرت نے کہاکہ نریندرمودی ایک ایسے سیاسی قائدہیں جنھیں ملک کے تمام بڑے کارپوریٹ اوربزنس گھرانوں کی غیرمعمولی تائید حاصل ہے۔اس سے ظاہرہوتاہے کہ بی جے پی کارپوریٹ گھرانوں کے مفادات کی کانگریس سے زیادہ بہتر اندازمیں تکمیل کرے گی،مودی کی زیرقیادت بی جے پی سے لاحق ایک اورخطرہ یہ ہے کہ وہ ہندوتواکافرقہ پرست ایجنڈہ نافذ کرنے کی حامی ہے۔ہم نے گذشتہ ایک سال کے دوران دیکھاہے کہ سارے ملک میں فرقہ وارانہ کشیدگی اورجھڑپوں کے لیے منظم فرقہ پرستی مہم چلائی جاری ہے،یہ تمام حرکتیں فرقہ وارانہ خطوط پرپھوٹ ڈالنے اوربی جے پی ونریندرمودی کے لیے انتخابی مفاد حاصل کرنے ایک منظم مہم کاحصہ ہیں،یوپی اے کی پالیسیوں پرتنقید کرتے ہوئے انھوں نے کہاکہ اس کی فراخدلانہ ہالیسیوں کی وجہ سے نہ صرف مہنگائی میں اضافہ ہواہے بلکہ تمام شعبوں میں کرپشن کی راہ ہموارہوئی ہے۔سی پی آئی ایم،بی جے پی کے شرپسند فرقہ پرست ایجنڈہ اورکانگریس زیرقیادت یوپی اے حکومت کی بداعنوانیوں پرمبنی پالیسیوں کا2014کے عام انتخابات میں مقاملہ کرے گی۔منموہن سنگھ حکومت کی خارجہ پالیسی کو مستردکرتے ہوئے انھوں نے کہاکہ امریکہ کے دباؤ کی وجہ سے ایران کی تائید سے انکارکرنے پرملک کوایندھن کے محاذپر بھاری قیمت چکانی پڑی ہے۔امریکی دباؤ کے تحت ہی ہندوستان نے ایران۔پاکستان۔انڈیاگیس پائپ لائن کوآگے نہیں بڑھایاتاکہ امریکہ کے ساتھ سیول بیوکلیرمعاہدہ کیاجاسکے۔عوام مہنگائی بے روزگاری اورکرپشن سے بیزارہوچکے ہیں اوران تمام حالات کے لیے صرف یوپی اے حکومت ذمہ دار ہے۔یہاں یہ یذکرہ مناسب ہوگاکہ پارٹی کے تنظیمی ڈھانچہ کومستحکم بنانے اوراس سلسلہ میں فیصلے کرنے یہ سہ روزہ اجلاس پلینم منعقد کیاجارہاہے۔اس اجلاس میں6پولٹ بیوروارکان بشمول سیتارام یچوری اورایس رامچندرن پلے شرکت کررہے ہیں۔
کوئی تبصرے نہیں:
ایک تبصرہ شائع کریں