Pilgrims shall leave to on time - Saudi Government
سعودی حکومت نے کہا ہے کہ فریضہ حج کی ادائیگی کے بعد بیرون ملک سے آنے والے تمام حجاج کرام وقت مقررہ پر مملکت سے روانہ ہوجائیں۔ سعودی محکمہ پاسپورٹ کی جانب سے جاری اعلامیہ میں مزید کہا گیا ہے کہ محکمہ پاسپورٹ کی جانب سے تمام فضائی، بری اور بحری چوکیوں پر اضافی عملہ متعین کردیا گیا ہے تاکہ حجاج کی واپسی میں کسی قسم کی تاخیر نہ ہو اور تمام مراحل بخیر و خوبی ادا ہوسکیں۔ محکمہ پاسپورٹ کی جانب سے تمام حجاج کرام سے کہا گیا ہے کہ حج ویزے پر آکر مملکت میں قیام کی کسی صورت اجازت نہیں دی جاسکتی اس لئے ہر حاجی اس بات کا خیال رکھے کہ واپسی میں کسی صورت تاخیر نہ ہو، تاخیر کی صورت میں ان کا قیام غیر قانونی شمار ہوگا۔ اس دوران وزیر اطلاعات و تہذیبی امور عبد العزیز کھوجہ نے کہا کہ سعودی حکومت کو ضیوف الرحمن کی خدمت کرتے فخر محسوس ہوتا ہے۔ انہوں نے مناسک حج کی اطلاعات فراہم کرنے کے لیے آئے بیرونی صحافیوں سے حکومت ، آئندہ حج کے لئے بہتر سے بہتر سہولتیں فراہم کرنے کے لئے منصوبہ بندی کر رہی ہے۔
کوئی تبصرے نہیں:
ایک تبصرہ شائع کریں