Pakistan seeks $11 billion bailout package from IMF, donors
دیوالیہ کے دہانہ پر پہنچنے والے پاکستان نے آج کہاکہ وہ اس کی بیمار قومی معیشت کے احیاء کیلئے آئی ایم ایف کے بشمول بین الاقوامی عطیہ دہندہ ایجنسیوں سے 11بلین ڈالرمعاشی امداد حاصل کرنے کے قریب پہنچ گیا ہے۔ میڈیا رپورٹس میں یہ بات کہی گئی ہے۔ پاکستان کے وزیر فینانس اسحاق ڈار اور جیفری فرینک کی زیر قیادت بین الاقوامی مالیاتی فنڈ کی ٹیم کے درمیان طویل مذاکرات کے بعد دونوں فریق 5.4 بلین قرض کے پیاکیج کو قطعیت دینے کے قریب پہنچ گئے۔ اخبار ڈان نے یہ رپورٹ دی۔ آئی ایم ایف کی امداد کے علاوہ پاکستان ایشین ڈیولپمنٹ بینک اور عالمی بینک سے 5.6 بلین ڈالر قرض بھی حاصل کرے گا اور وہ جاپان، امریکہ اور برطانیہ جیسے ممالک سے بھی قرض حاصل کرے گا۔ آئی ایم ایف کے ساتھ معاہدہ سے عطیہ دہندہ بینکوں اور ممالک سے زائد رقم کے حصول کیلئے راہ ہموار ہوگئی ہے اور قرض کی جملہ 11بلین امریکی ڈالر ہوگئی۔ پاکستان کو قرض کے حصول سے قبل عطیہ دہندہ کمیوٹی کی سخت شرائط کی تکمیل کرنا ہوگا جن میں آئی ایم ایف کی جانب سے مالیاتی خسارہ کو تقریباً 8فیصد سے گھٹاکر 4.5 فیصد کرنا، برقی شرحوں میں اضافہ کرنا، سبسیڈیز سے دستبرداری اختیار کرنا، ٹیکس میں اضافہ کرنا اور خانگیانے کے عمل کو دوبارہ شروع کرنا شامل ہے۔
کوئی تبصرے نہیں:
ایک تبصرہ شائع کریں