وکی لیکس کو دنیا بھر سے مالی مدد ملنے کا آغاز

4/جولائی اسٹاک ہوم رائٹر

آئس لینڈ کی سپریم کورٹ کی جانب سے دنیاکی 2سب سے بڑی کریڈیٹ کارڈ کمپنیوں ماسٹر کارڈ اور کوکھوجی انٹرنیٹ ویب سائٹ وکی لیکس کو پیسہ فراہم کرنے کے احکام کے بعد اسے دنیا بھر میں دوبارہ مالی مدد ملنی شروع ہوگئی ہے۔ وکی لیکس کے مالی مسائل کا نظم کرنے والی آئس لینڈ کی کمپنی ڈاٹا سیل کی جانب سے جاری بیان میں کہا گیا ہے کہ سپریم کورٹ نے ماسٹر کارڈ اور ویزا کے مقامی ایجنٹ سے وکی لیکس کو پیسہ کی فراہمی کا کام دوبارہ شروع کرنے کے احکام اپریل میں دئیے تھے اس کے بعد اب انہیں دنیا بھر سے معاشی مدد ملنی شروع ہوگئی ہے۔ البتہ ڈاٹا سیل نے یہ نہیں بتایا ہے کہ وکی لیکس کو کتنی رقم مل رہی ہے تاہم کہا کہ معاشی پابندیاں لگائے جانے سے پہلے انہیں دنیا بھر سے 70 ہزار یورو یومیہ معاشی مدد مل رہی تھی۔ آئس لینڈ وکی لیکس کی پناہ گاہ بن کر ابھرا ہے کیونکہ یہاں کی سرکار انٹرنیٹ آزادی کی حامی رہی ہے۔ وکی لیکس کی دنیا بھر میں پھیلے ویزا اور ماسٹر کارڈ صارفین کی جانب سے چندہ ملاکرتا تھا لیکن ان دونوں کمپنیوں نے 2010ء میں وکی لیکس کے کھاتوں کو منجمد کردیا تھا۔ ان کا یہ اقدام امریکہ کی جانب سے اس ادارہ پر تنقید کئے جانے کے بعد سامنے آئے ہیں۔ آن لائن ادائیگی کی کمپنی پے پل نے بھی وکی لیکس کو اپنی جذبات روک دی تھیں ان کا کہنا تھا کہ اس نے امریکی سرکار کے کہنے پر ایسا کیا ہے کیونکہ امریکہ میں وکی لیکس غیر قانونی ہے۔

Credit card donations to WikiLeaks flowing through Iceland again