Committed Pak jihadists replace slain al Qaeda leaders: Report
افغان عسکریت پسندوں سے وابستہ پرعزم پاکستانی جہادی مقتول القاعدہ قائدین کے جانشین بن گئے ہیں جس کے تعلق سے تجزیہ نگاروں نے یہ اندیشہ ظاہر کیا ہے کہ افغانستان سے 2014ء میں امریکی افواج کے تخلیہ کے بعد علاقہ اور بھی شورش زدہ ہوجائے گا۔ دی نیویارک ٹائمز نے یہ اطلاع دیتے ہوئے بتایاکہ پاکستان اس حوالہ سے افغانستان سے زیادہ توجہ کا مرکز بنا رہا ہے۔ کروڑوں ڈالر کی فوجی امداد حاصل ہوئی اور جہاں خاموش اور چوری چھپے انداز میں ڈرون حملے جاری رہے۔ دہشت گردی کے خلاف امریکی جنگ 12سال سے جاری ہے جس کے دوران پاکستان، افغانستان سے زیادہ توجہ کا مرکز بنا رہاہے۔ اخبار نے بتایاکہ پاکستان کے شورش زدہ قبائلی علاقہ میں پناہ گزین بیشتر القاعدہ قائدین کا امریکی ڈرونس کے ذریعہ صفایا ہوچکا ہے تاہم پر عزم اور ذمہ دار پاکستانی جہادی ان کے جانشین مقرر ہوچکے ہیں جن کا افغان جہادیوں سے دیرینہ رابطہ ہے۔ پاکستان کے شمال مغربی قبائلی علاقوں میں اب تک 360امریکی ڈرون حملے ہوچکے ہیں۔10 سال کے عرصہ میں 360 ڈرون حملوں نے بیشتر القاعدہ قائدین کا صفایا کردیا جو اس شورش زدہ علاقہ میں روپوش تھے۔
کوئی تبصرے نہیں:
ایک تبصرہ شائع کریں