Woman gives birth to 'rare' double identical twins
امریکہ کے ٹکساس صوبے میں ایک 36 سالہ خاتون نے ایک ہی موقع پر دو مرحلے میں دو جڑواں بچوں کو جنم دیا۔ زچہ اور چاروں بچے صحیح حالت میں ہیں ۔ یہ بچے انتہائی ہمشکل ہیں ۔ ڈاکٹروں کے مطابق 7کروڑمعاملوں میں سے ایک ایسا ہوتا ہے ۔ ذرائع کے مطابق ٹیکساس کے ہوٹس میں ٹریسا مونتالوی نے گذشتہ 14 فروری کو ایک بڑے آپریشن کے بعد دونوں جڑواں بچوں کو جنم دیا تھا۔ چاروں لڑکے ہیں اور پوری طرح صحتمند ہیں ۔ ٹرسیا اور ان کے شوہر مینوئل بہت خوش ضرور ہیں لیکن انہیں بات کا ملال بھی ہے کہ ان میں سے کوئی بیٹی نہیں ہے ۔ ٹریسا نے کہاکہ اپنے دو سال کے بیٹے میمفس کیلئے ایک بھائی یا بہن چاہتی تھی لیکن جب مجھے 10ہفتے کا حمل تھا تو چیک اپ میں پتہ چلا کہ یہ جڑواں بچے ہیں ۔ کچھ ہفتوں بعد ڈاکٹر نے کہاکہ انہیں تیسری دھڑکن سنائی دے رہی ہے ۔ چیک اپ میں پتہ چلا کہ انہیں دو جڑواں بچے ہونے والے ہیں ۔ ڈاکٹروں نے بتایا کہ جڑواں بچوں کے نال الگ الگ تھے ۔ ٹریسا کے دونوں جڑواں بچے چند منٹ کے فرق سے پیدا ہوئے ۔ ٹریسا اور مینوئل نے اپنے بچوں کے نام انگریزی حروف تہجی کے پہلے چار حرفوں پر ایس، بریلین ، کیش اور ڈائلن رکھا ہے ۔ مینوئل نے کہاکہ ہمیں ایک بچے کی امید تھی لیکن ہمیں چار بچے ہوئے ۔ ہم انتہائی خوش ہیں لیکن ہمیں بیٹی نہ ہونے کا افسوس بھی ہے ۔ ہم دونوں ایک لڑکی چاہتے تھے ۔
کوئی تبصرے نہیں:
ایک تبصرہ شائع کریں