شمال مشرقی امریکہ اور کناڈا میں ریکارڈ برفباری

11/فبروری نیویارک رائٹر

امریکہ کی شمال مشرقی ریاستوں اور کناڈا میں ریکارڈ برفباری سے ہلاکتوں کی تعداد 15ہو گئی جہاں اب تک 3فٹ برف پڑچکی ہے ۔ امریکہ کے ساحلی علاقوں میں طوفانی ہواؤں اور تیز لہروں کے باعث زیادہ نقصان ہوا ہے ۔ نیویارک سے بوسٹن تک میونسپل عملہ کے ارکان گھنٹوں کام کر کے برف میں پھنسی گاڑیوں اور لوگوں کو نکالنے کی کوشش کر رہے ہیں ۔ جیسا کہ یہاں تقریباً 3فٹ برف پڑی ہوئی ہے ۔ امریکی صدر بارک اوباما نے کنکٹیکٹ میں ایمرجنسی نافذ کر دی ہے اور وفاقی سطح پر امدادی کاروائیوں کا اعلان بھی کیا ہے ۔ جارجیا، اوکلا ہاما اور کیوبک سمیت کئی ریاستوں میں لاکھوں صارفین تاحال برقی سے محروم ہیں ۔ کنکٹیکٹ کے گورنر ڈینیل مالوے نے مقامی میڈیا کے حوالہ سے بتایا کہ یہ تاریخ ساز برفباری ہے ، برف کو صاف کرنے کیلئے کئی دن درکار ہوں گے ۔ دوسری جانب اتوار کو تقریباً 2,200پروازیں منسوخ کر دی گئیں جبکہ فلائٹ ایرویز کے مطابق پچھلے دو ہفتوں کے دوران تقریباً5800 پروازوں کو منسوخ کرنا پڑا۔

US Northeast, Canada dig out after deep snowstorm; death toll at 15