Jewish extremists attack Al-Aqsa mosque
انتہاء پسند یہودی آبادکاروں اور ذرائع ابلاغ کے کارکنوں نے مسجد اقصیٰ پر دھاوا بولا اور مسجد کے احاطہ میں ہیکل سلیمانی کی منظر کشی پر مبنی فلم بنانا شروع کر دی۔ اس موقع پر اسرائیلی پولیس کی بڑی تعداد شرپسندوں کی حفاظت کرتی رہی۔ مقامی ذرائع نے بتایا کہ صہیونی آبادکاروں کی اشتعال انگیز کار روائی پراسلامی اوقاف کے ڈائرکٹر شیخ عزام الخطیب نے حرم کی نام نہاد اسرائیلی پولیس کے قائد سے رابطہ کیا اور ان سے کہا کہ ان انتہا پسند یہودیوں کو شر انگیز کار روائیوں سے باز رکھا جائے ۔ تاہم اسرائیلی پولیس نے یہودیوں کو مسجد سے نکالنے کے بجائے مسجد اقصی کے گارڈز کو ٹیلی ویژن کے عملے اور یہودی آبادکاروں سے 100میٹر دور کر دیا۔
کوئی تبصرے نہیں:
ایک تبصرہ شائع کریں