Two-day Governors' Conference starts in Rashtrapati Bhavan
وزیراعظم منموہن سنگھ نے آج کہا کہ ہندوستان اپنے پڑوسیوں کے ساتھ پرامن بقائے باہم چاہتا ہے لیکن پاکستانی سپاہیوں کے ہاتھوں سرقلم کئے جانے کے حالیہ واقعہ مہذب بین الاقوامی طرز عمل کے قواعد کے مغائر اور ناقابل قبول ہے ۔ یہاں گورنرس کانفرنس سے خطاب کرتے ہوئے ڈاکٹر سنگھ نے کہاکہ یہ تسلیم کرنے کی ضرورت ہے کہ ہندوستان کا پڑوس بڑھتے ہوئے عدم استحکام اور غیر یقینی کیفیت میں مبتلا ہے اور یہ کہ مسلح افواج اور پولیس کی قابلیتوں کو تمام نوعیت کے سکیورٹی چیلنجوں سے نمٹنے کیلئے مسلسل مضبوط بنایا جا رہا ہے ۔ "ہم بدستور ہمارے پڑوسیوں کے ساتھ اچھے تعلقات اور پرامن بقائے باہم کیلئے کام کرنے کے پابند عہد ہے ۔ تاہم ہم اپنے اس عزم میں بھی ٹھوس ہیں کہ ہمارے ملک کیلئے بھی خطرہ سے موثر طورپر نمٹا جائے "۔ جموں و کشمیر میں پاکستانی سپاہیوں کے ہاتھوں ہندوستانی سپاہی کا سر قلم کر دینے کا ذکر کرتے ہوئے ڈاکٹر سنگھ نے کہاکہ ایسے واقعات جس طرح گذشتہ ماہ ایل او سی پر پیش آئے مذہب بین الاقوامی طرزعمل کے قواعد کے مغائر ہے اور ہمارے لئے یکسر ناقابل قبول ہے ۔ ملک کو درپیش سکیورٹی چیلنجوں کا ذکر کرتے ہوئے ڈاکٹر سنگھ نے کانفرنس کو بتایا کہ مسلح فورس اور پولیس کی قابلیتوں کو متواتر تقویت دی جا رہی ہے تاکہ ہر قسم کے سکیورٹی چیلنج کا سامنا کیاجاسکے ۔
کوئی تبصرے نہیں:
ایک تبصرہ شائع کریں