Sri Lanka Muslims try to defuse halal meat row
سری لنکا میں آج مسلم عالموں نے اکثریتی بدھ قوم میں حلال گوشت کے تنازعہ پر بڑھتی مذہبی کشیدگی کو دور کرنے کی کوشش میں تاجروں کو مصدقہ حلال اشیاء کی فروخت کو صرف مسلمانوں کی حدتک محدود رکھنے کا مشورہ دیا ہے ۔ سری لنکا کے بڑے اسلامی ادارے آل سیلون جمعیۃ العلماء کے صدر رضوی مفتی نے کولمبو میں ایک پریس کانفرنس کو بتایا کہ ہم پرامن بقائے باہم اور ہم آہنگی کو فروغ دینا چاہتے ہیں یہی وجہہ ہے کہ ہم اپیل کر رہے ہیں کہ مصدقہ حلال اشیاء غیر مسلم افراد کو فروخت نہ کی جائیں ۔ جمعیۃ العلماء کا کشیدگی کو ختم کرنے کیلئے یہ اقدام اس پس منظر میں سامنے آیا ہے کہ بدھ فورس نے ہفتہ کو ریالی منعقد کرتے ہوئے الٹی میٹم دیا تھا کہ مارکٹ سے ختم مارچ تک تمام حلال اشیاء ہٹالی جائیں ۔
کوئی تبصرے نہیں:
ایک تبصرہ شائع کریں