South Korean leader Park asks North to end nuclear agenda
جنوبی کوریا کی پہلی خاتون صدر پارک گیون ہی نے حلف برداری کے فوری بعد شمالی کوریا کے حالیہ نیوکلیائی تجربہ پر سخت ردعمل کا اظہار کرتے ہوئے کہاکہ وہ جنوبی کوریا کے عوام پر کسی بھی حملہ کو برداشت نہیں کریں گی۔ 61سالہ پارک نے گذشتہ دسمبر میں من جے ایس کو ہرا کر صدارتی انتخاب جیتا۔ انہوں نے کہاکہ شمالی کوریا کا نیوکلیائی تجربہ کوریائی عوام کے وجود اور مستقبل کیلئے ایک چیلنج ہے ۔ انہوں نے واضح طورسے کہاکہ شمالی کوریا نے نیوکلیائی تجربہ کر کے بین الاقوامی ناراضگی مول لی ہے اور اب اس کا خمیازہ بھی اسے بھگتنا پڑے گا۔ پاک جنوبی کوریا کے سابق آمر چنگ ہی کی دخترہیں ۔ ان کے والدنے 1961ء سے 1979ء تک حکومت کی۔ حلف اٹھانے کے بعد پاک نے اپنے خطاب میں شمالی کوریا پر اپنا جوہری پروگرام ترک کر دینے پر زور دیتے ہوئے ترقیاتی کاموں پر توجہ دینے کیلئے کہا۔
کوئی تبصرے نہیں:
ایک تبصرہ شائع کریں