قائد مجلس لیجسلیچر پارٹی جناب اکبر الدین اویسی کی ضمانت کی منظوری کی اطلاع عام ہوتے ہی دارلحکومت حیدرآباد کے علاوہ ریاست کے مختلف اضلاع بالخصوص نظام آباد ، عادل آباد ، ورنگل ، کریم نگر ، محبوب نگر ، نلگنڈہ اور کرنول کے مختلف مقامات پر جشن کا ماحول دیکھا گیا جہاں محبان مجلس کی کثیر تعداد نے سڑکوں پر نکل کر ایک دوسرے کو مبارکباد دی ، زبردست آتشبازی کی اور مٹھائیاں تقسیم کیں ۔
قائد مجلس جناب اکبر الدین اویسی کی ضمانت پر رہائی کی خبر جنگل کی آگ کی طرح ساری دنیا میں پھیل گئی ۔ مختلف ممالک میں مقیم ہندوستانیوں بالخصوص دکن کے مسلمانوں نے رات دیر گئے تھ مجلسی قائدین اور دفتر اعتماد پر فون پر ربط پیدا کرتے ہوئے اکبر الدین اویسی کی ضمانت کی منظوری کی خبر کی تصدیق چاہی اور اپنی مسرت کا اظہار کیا ۔ امریکہ ، برطانیہ ، کنیڈا، اسٹریلیا ، نیوزی لینڈ ، جنوبی آفریقہ ، سعودی عرب ،متحدہ عرب امارات کی مختلف ریاستوں ابو ظہبی ، دبئی شارجہ ، راسالخیمہ کے علاوہ قطر ، بحرین ، کویت ، ایران اور عراق میں مقیم حیدرآبادیوں نے جناب اکبر الدین اویسی کی ضمانت کی منظوری پر اپنی مسرت کا اظہار کرتے ہوئے بیرسٹر اسد الدین اویسی ایم پی صدر کل ہند مجلس اتحاد المسلمین کا مبارکباد پیش کی ۔
Akbar owaisi bail - celebrations all over city and towns
کوئی تبصرے نہیں:
ایک تبصرہ شائع کریں