میں ہندوستان میں خوش اور محفوظ ہوں - شاہ رخ خان

29/جنوری ممبئی پی۔ٹی۔آئی

شاہ رخ کی سکیورٹی کے مسئلہ پر ہندوستان اور پاکستان کے درمیان تکرار کے بیچ بالی و وڈ سوپر اسٹار نے آج کہا ہے کہ یہ افسوس کی بات ہے کہ ان کے ایک مضمون نے غیر ضروری موڑلے لیا اور انہیں اپنی حب الوطنی کے اعادہ کے لئے مجبور ہونا پڑا۔ اداکار اپنے طویل بیان اور مضمون کے اقتباسات پڑھتے ہوئے کافی جذباتی نظر آئے ۔ انہوں نے ایک انگریزی ہفتہ وار کیلئے یہ مضمون لکھا۔ اس سیاسی تنازعہ کے درمیان پھنسے ہوئے 47 سالہ اداکار نے کہاکہ یہ ایک ستم ظریفی ہے کہ لوگ ان کا مضمون پڑھے بغیر ہی ردعمل ظاہر کرہرے ہیں ۔ رحمن ملک کے بیان پر ردعمل ظاہر کرتے ہوئے ادکار نے ایک پریس کانفرنس میں کہا کہ میں ان تمام لوگوں کو جو مشورے دے رہے ہیں یہ کہنا چاہتا ہوں کہ میں ہندوستان میں انتہائی محفوظ اور خوش ہوں ۔ میرا خاندان اور دوست ایک چھوٹے ہندوستان کی طرح ہے جہاں تمام مذاہب، پیشے شامل ہیں اور سب رواداری اور مفاہمت کے ساتھ رہتے ہیں ۔ میرے ملک میں اور پوری دنیا میں میرے مداحوں کا شکر گزار ہوں ۔

Extremely safe and happy in India, says Shah Rukh Khan