منامہ بحرین کی عمارت میں آگ

12/جنوری منامہ ایجنسیاں

بحرین کے دارالحکومت منامہ کی ایک عمارت میں آگ لگ گئی اور اس آگ سے 13 افراد جھلس کر ہلاک ہو گئے۔ تین منزلہ عمارت میں آگ جمعہ کو لگی تھی جہاں دوسرے ممالک سے کام کے لیے بحرین میں آئے افراد کی رہائش تھی۔
آگ سے عمارت کی چھت بھی گر گئی۔ امدادی کارکنوں نے موقع پر پہنچ کر عمارت میں پھنس جانے والے زخمی افراد کو باہر نکالا۔ متاثرہ عمارت میں قیام پذیر ایک شخص کا کہنا تھا کہ عمارت میں 28 کمرے تھے جس میں سے تین کمروں میں پاکستانیوں کی رہائش تھی اور باقی سب میں بنگلہ دیشی قیام پذیر تھے۔
آگ لگنے کی وجوہات جاننے کے لیے تحقیقات جاری ہیں۔

13 killed in Manama labour camp fire