Injustice with Urdu language after independence, Justice Katju
ہندوستان پریس کونسل کے چئیرمین نے کہا ہے کہ آزادی کے بعد اردو زبان کے ساتھ انصافی کی گئی۔ اردو زبان یہیں پیدا ہوئی پھلی اور پھولی لیکن کچھ طبقات کی جانب سے اردو زبان کے ساتھ زیادتی کی گئی، لکھنو میں البرٹ ایجوکیشنل انسٹی ٹیوشن کیمپس سے خطاب کرتے ہوئے موصوف نے کہا کہ اردو ہندوستانی ثقافت کی پیداواور ہے۔ علی گڑھ سے اردو کارواں کو جھنڈی دکھاتے ہوئے موصوف نے مزید کہا کہ جو ہندوستانی مسلمانوں کو قومی دھارے کا حصہ نہیں مانتے وہ خود اس دھارے کا حصہ نہیں۔ ہندوستان کا کلچر اعتدال پسند کلچر ہے، وہ جو مذہب کے نام پر ملک کو تقسیم کرنے کی کوشش کر ہیں وہی دراصل ہندوستانی کی ترقی میں رکاوٹ ہے۔ ہندوستان کی ترقی میں اردو کے تعاون کو کبھی بھی فراموش نہیں کیا جاسکتا، بطور خاص شعرا حضرات نے آزادی کی مشعل کو روشن رکھنے میں کلید رول ادا کیا ، موصوف نے حسرت موہانی وجوش ملیح آبادی اور دوسرے بڑے شاعروں کا حوالہ دیا۔
کوئی تبصرے نہیں:
ایک تبصرہ شائع کریں