جدید دنیا میں اسلام : مسائل اور امکانات - مرتبہ آل احمد سرور - پی۔ڈی۔ایف کتاب ڈاؤن لوڈ

تعارف کتاب ٹی۔این۔بی

پندرہویں صدی ہجری کے آغاز نے مسلمانوں کو یہ موقع فراہم کیا کہ وہ اسلام کے بنیادی اصولوں، اسلامی تاریخ، موجودہ دور کے تقاضوں کی روشنی میں اسلام کے رول اور خصوصاً ہندوستان میں مسلمانوں کے مسائل پر، پھر سے غور کریں۔
سنہ 1981ء میں ریاست جموں و کشمیر نے ایک اعلیٰ سطحی کمیٹی اس غرض سے قائم کی کہ وہ پندرہویں صدی ہجری کے آغاز کے سلسلے میں مناسب تقریبات کا انتظام کرے۔ شیرِ کشمیر شیخ عبداللہ خود اس کمیٹی کے صدر تھے۔ اور انہی کی ہدایت پر اقبال انسٹی ٹیوٹ کشمیر یونیورسٹی کے ذمے یہ کام دیا گیا کہ وہ "جدید دور میں اسلام - مسائل اور امکانات" کے موضوع پر ایک ایسے سیمینار کا انعقاد کرے جس میں علما بھی شریک ہوں اور ملک کے دانشور اور یونیورسٹیوں کے اسکالر بھی۔ چنانچہ 3/اکتوبر/1981ء سے 8/اکتوبر تک یہ سیمینار منعقد ہوا۔ سیمینار کا افتتاح شیخ عبداللہ نے ایک بصیرت افروز خطبے سے کیا۔ وائس چانسلر علی گڑھ مسلم یونیورسٹی سید حامد نے افتتاحیہ اجلاس کی صدارت کی اور بدرالدین طیب جی نے کلیدی خطبہ پڑھا۔ سیمینار میں اردو اور انگریزی کے جملہ بیالیس (42) مقالات پڑھے گئے اور ہر مقالے پر بعد ازاں بحث بھی ہوئی۔ علما اور جدید علوم کے ماہرین کی مدد سے اس سیمینار کے ذریعے مسائل کو حل کرنے کی کوشش کی گئی۔
زیر نظر کتاب "جدید دور میں اسلام - مسائل اور امکانات" میں وہ سارے مقالات شامل ہیں جو اردو میں پڑھے گئے تھے۔ ان تمام مقالات کے ذریعے بنیادی مسائل سامنے آ گئے ہیں اور ان کے مطالعے سے ایک مجموعی تاثر موضوع کے تعلق سے قائم ہو گیا ہے۔
اسلام اور عصر حاضر کے موضوع میں دلچسپی رکھنے والے باذوق قارئین کی خدمت میں تقریباً سوا تین سو صفحات پر مشتمل یہی کتاب پی۔ڈی۔ایف فائل شکل میں پیش ہے۔
کتاب کا ڈاؤن لوڈ لنک نیچے ہے۔

***
نام کتاب: جدید دنیا میں اسلام : مسائل اور امکانات (مضامین)
مرتبہ: پروفیسر آل احمد سرور
ناشر: اقبال انسٹی ٹیوٹ، کشمیر یونیورسٹی، سرینگر (سن اشاعت: 1983ء)
تعداد صفحات: 328
پی۔ڈی۔ایف فائل حجم: تقریباً 15 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Jadeed Dunya mein Islam Masail aur Imkanat.pdf

Direct Download link:

GoogleDrive Download link:

فہرست
نمبر شمار	عنوان	قلمکار	صفحہ نمبر
الف	پیش لفظ	پروفیسر آل احمد سرور	7
1	خطبہ افتتاحیہ	شیر کشمیر شیخ محمد عبداللہ	13
2	جدید دنیا میں اسلام - مسائل اور امکانات	پروفیسر آل احمد سرور	23
3	عصر حاضر کے ساتھ اسلامی اقدار اور تعلیمات کی مطابقت	میر واعظ مولانا محمد فاروق	33
4	عصر حاضر اور اسلامی اقدار	محمد یوسف ٹینگ	45
5	دور حاضر میں اسلامی اقدار کی معنویت	غلام رسول ملک	56
6	تصوف اور انسان دوستی	خواجہ حسن ثانی نظامی	70
7	عصر حاضر سے اسلامی اقدار کی مناسبت	حافظ رحمت اللہ میر	80
8	ذرائع پیداوار اور ذرائع تقسیم کی ملکیت	حافظ مجیب اللہ ندوی	93
9	شریعت بدلتے ہوئے زمانے میں - حضرت عمر فاروق کے اجتہادات کی روشنی میں	مولانا سعید احمد اکبرآبادی	124
10	حضرت عمر فاروق اعظم کے اجتہادات سے ہم کو کیا ملا اور کیا مل سکتا ہے؟	سید صباح الدین عبدالرحمن	136
11	غزالی کا اجتہاد	رشید نازکی	157
12	اسلام اور سیکولرزم	مفتی محمد رضا انصاری	173
13	سیکولر ملکوں میں اسلام کا رول	اخلاق حسین قاسمی	185
14	فکر اقبال اور ہندی مسلمان	پروفیسر مسعود حسین خان	200
15	اصلاح و تجدد کے حامی اور ان کی الجھنیں	پروفیسر ضیا الحسن فاروقی	212
16	جمہوریہ اسلامی ایران میں اسلام کے مسائل اور امکانات	ڈاکٹر کبیر احمد جائسی	230
17	سیکولر ہندوستان میں شریعت کے نفاذ کا مسئلہ	پروفیسر مشیر الحق	244
18	ہندوستانی سیکولر جمہوریہ میں اسلامی قانون کی مناسبت	غلام نبی ہاگرو	263
19	مسلم ممالک میں اسلامی قانون کا نفاذ اور اس کا جواز	ایم۔ اے۔ شیدا	274
20	اسلام اور بینکنگ	ریحان الحق	284
21	اسلام اور عورت	منشی جلال الدین	297
22	عورت اور اسلام - مسئلہ حجاب پر ایک نظر	محمد اسلام اصلاحی	316

Jadeed Dunya mein Islam, Masail aur Imkanat. Selected essays, Compiled by Prof Aal-e-Ahmad Suroor, pdf download.