اردو میں بچوں کے ادب کی اینتھولوجی - مرتب مناظر عاشق ہرگانوی - پی۔ڈی۔ایف ڈاؤن لوڈ

تعارف کتاب ٹی۔این۔بی

ڈاکٹر مناظر عاشق ہرگانوی (پیدائش: یکم/جولائی/1948 - وفات: 17/اپریل/2021)
اردو دنیا کے ایک معروف ادیب، صحافی اور استاذ رہے ہیں۔ 35 سالہ تدریس کے بعد بھاگل پور یونیورسٹی سے 2007ء میں وظیفہ پر سبکدوش ہوئے۔ صوبۂ بہار کے متوطن اس نامور قلمکار نے تقریباً ڈھائی سو سے زائد کتب تخلیق کیں اور متعدد کتب کے مولف و مرتب رہے۔ ہندی اور انگریزی میں بھی کتب لکھیں اور آپ کی کتابوں کے انگریزی، ہندی اور دیگر علاقائی زبانوں میں ترجمے بھی ہوئے جن پر ملک و بیرون ملک انعامات سے آپ کو نوازا گیا۔ وہ 1975ء سے ادبی رسالہ "کوہسار" جرنل شایع کر رہے تھے۔ جس کے 180 شمارے منظر عام پر آئے ہیں۔ نئی اور متروک اصناف کے فروغ میں ان کے کاموں کی مثال اردو دنیا میں کم ہی ملے گی۔
ان کی وفات پر انہیں بطور خراج عقیدت، ادب اطفال جیسے نہایت اہم موضوع پر ان کی مرتب کردہ یادگار کتاب "اردو میں بچوں کے ادب کی اینتھولوجی" تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔ تقریباً ساڑھے تین سو صفحات کی اس پی۔ڈی۔ایف فائل کا حجم صرف 9 میگابائٹس ہے۔
کتاب کا ڈاؤن لوڈ لنک نیچے درج ہے۔

زیرنظر کتاب کے مقدمہ زیرعنوان "پہلی بات" میں مرتب ڈاکٹر مناظر عاشق لکھتے ہیں ۔۔۔

یہ حقیقت ہے کہ اردو زبان بچوں کے ادب سے مالامال ہے۔ اردو میں بچوں کے لیے سائنسی ادب بھی بہت لکھا گیا ہے۔ کرشن چندر کی کتاب "ستاروں کی سیر" اور "الٹا درخت" ، قرۃ العین حیدر کا ترجمہ شدہ ناول "جن حسن عبدالرحمن"، پرکاش پنڈت کا ناول "چاند کی چوری"، ظفر پیامی کا ناول "ستاروں کے قیدی"، سراج انور کا "خوفناک جزیرہ"، سونے کا چہرہ" اور "ہیرے کا ہاتھ"، اطہر پرویز کی کہانی "مشینی گھوڑا"، ایم یوسف انصاری (زہرہ کا سفر، قاتل سائنس داں)، اظہار اثر (بھورا بال، ایک گلاس پانی) وغیرہ سائنسی ترقیات سے واقفیت پہنچاتے ہیں۔

اردو میں بچوں کے ادب پر سب سے جامع کتاب ڈاکٹر خوشحال زیدی کی ہے۔ ڈاکٹر سیدہ مشہدی (اردو میں بچوں کا ادب)، سید محمد اجمل جامعی (بچوں کے شاعر)، عاصم شہنواز شبلی (مغربی بنگال اور بچوں کا ادب) وغیرہ کتابیں بھی اہم ہیں۔ بچوں کے ادب پر ایک تحقیقی مضمون "اردو میں ادب اطفال" ڈاکٹر مظفر حنفی کا ہے۔

اردو میں نیشنل کونسل فار ایجوکیشنل ریسرچ اینڈ ٹریننگ [NCERT] نئی دہلی کے ذریعہ درجہ اول سے لے کر درجہ بارہ تک نصاب کی جو کتابیں پروفیسر گوپی چند نارنگ کی نگرانی اور چیرمین شپ میں "اردو کی نئی کتاب" کے نام سے تیار کی گئی ہیں، یہ قومی تعلیمی پالیسی 1986ء کی سفارشات کے پیش نظر اور حکومتِ ہند کے اعلان شدہ تعلیمی اصولوں کی بنیاد کے تحت ہیں۔ ان کتابوں میں اردو زبان کے مشاہیرِ قلم کی تخلیقات کے تمام پہلوؤں کو سامنے رکھا گیا ہے اور بقول پروفیسر نارنگ ان میں اردو زبان کے مزاج، مشترک ہندوستانی تہذیب نیز طلبہ اور طالبات کی نفسیات اور ان کی ذہنی سطح کو خاص طور پر ملحوظ رکھا گیا ہے اور آج کے معاشرتی اور تمدنی مسائل کے پس منظر میں لکھی گئی نگارشات شامل کی گئی ہیں۔ ساتھ ہی ان میں اعلیٰ ترین ادب کو بھی شامل کیا گیا ہے۔
اردو میں بچوں کے ادب کی یہ اینتھولوجی تیار کرتے وقت این سی ای آر ٹی کہ درسی کتابیں پیش نظر رہی ہیں۔

میری تیار کی ہوئی یہ اینتھولوجی پروفیسر گوپی چند نارنگ کی دلچسپی کی بدولت ساہتیہ اکادمی، دہلی کی طرف سے شائع ہو رہی ہے۔ اس میں صرف ہندوستانی قلمکاروں کو شامل کیا گیا ہے۔ غیرمنقسم ہندوستان کے دو ایک شاعر و ادیب کی بھی شمولیت ہوئی ہے۔
پیش نظر کتاب میں معیاری ادب اطفال سے متعدد موضوعات پر بہت اہم اور متنوع مواد یکجا ہو گیا ہے جس کی تائید اہل نظر کریں گے۔ امید ہے کہ اس طرح کے مزید انتخاب بھی شائع ہوں گے۔

***
نام کتاب: اردو میں بچوں کے ادب کی اینتھولوجی
مرتب: مناظر عاشق ہرگانوی
ناشر: ساہتیہ اکادمی (پہلا ایڈیشن: 2002ء)
تعداد صفحات: 345
پی۔ڈی۔ایف فائل حجم: تقریباً 9 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Urdu Kids Literature Anthology.pdf

Direct Download link:

GoogleDrive Download link:

اردو میں بچوں کے ادب کی اینتھولوجی :: فہرست
نمبر شمار	تخلیق	تخلیق کار
الف	پہلی بات	مناظر عاشق ہرگانوی
مضامین
1	سرخاب	اعظم شاہ خاں
2	ہمارا قومی پرندہ مور	اندرجیت لال
3	وائرس کیا ہے	تابش قمر
4	کمپیوٹر	توصیف الحسن
5	رکشا بندھن	جاوید وششٹ
6	کلوروفارم	خسرو متین
7	تعلیم و تربیت	سر سید احمد خاں
8	کیسے ہوتا ہے سورج گرہن	سکندر صدیقی
9	اردو ہماری زبان	گوپی چند نارنگ
10	اجنتا اور ایلورا	مبارز الدین رفعت
11	سنیما، ریڈیو، ٹیلی ویژن	محمد بدیع الزماں
12	لوہے کی پتی کا کھیل	محمد عارف نیاز
13	پلس پولیو	مشتاق کریمی
14	چاکلیٹ	نہال احمد
15	گاندھی جی کے اصول	نینا جوگن
کہانیاں
16	نادان دوست	پریم چند
17	جھوٹے سچے خواب	جیلانی بانو
18	پتھر کی مورتی	حامدی کاشمیری
19	دم کٹ گئی	حیات اللہ انصاری
20	تین لڑکے تین کتابیں	خواجہ احمد عباس
21	خاک بیتی	خواجہ حسن نظامی
22	آخری قدم	ذاکر حسین
23	کہانی کا ہیرو کون تھا؟	رام لعل
24	داروغہ جی	رتن ناتھ سرشار
25	صحبت کا اثر	رضوان احمد
26	نکمی	رفعت سروش
27	بوتل کے قیدی	سراج انور
28	چالاک عورت	سہیل عظیم آبادی
29	مساوات کا گیت	شانتی رنجن بھٹاچاریہ
30	کلو اور چور	شکیل الرحمن
31	سفید جھوٹ	عصمت چغتائی
32	دو دوست	عفت موہانی
33	بوڑھا سلطان	فراق گورکھپوری
34	ایک پرانی کہانی	قرۃ العین حیدر
35	سبز پری	کرشن چندر
36	بادشاہ کا تاج	کوثر چاندپوری
37	پنچ تنتر اور جاتک: چند کہانیاں	گوپی چند نارنگ
38	ایک اور ایک گیارہ	مالک رام
39	شکاری کی توبہ	مسرور جہاں
40	جانور کا نام	مشتاق اعظمی
41	علاج	مناظر عاشق ہرگانوی
42	کھانوں کی بارات	مہدی جعفر
43	لال بجھکڑ	نسیم انہونوی
44	چھپی ہوئی دولت	واجدہ تبسم
منظوم کہانیاں
45	ایک منظوم کہانی	عادل رشید
46	بوسکی کی گنتی	گلزار
ڈرامے
47	دو آدمی	اظہر افسر
48	بنگال کا جادو	جگن ناتھ آزاد
طنز و مزاح
49	اب تب اور اب نہ تب	احمد جمال پاشا
50	درختوں کے آگے	راجہ مہدی علی خاں
51	نور چشم	رضا نقوی واہی
52	دھڑاپا	سرور جمال
53	کرکٹ، ہماری، آپ کی	شفیقہ فرحت
54	ہرفن مولا	کنہیا لال کپور
55	کدو عرف لوکی	یوسف ناظم
سفرنامہ
56	لندن اردو کا نیا گہوارہ	گوپی چند نارنگ
57	عدیس ابابا اور ویزا کا چکر	محمد امین
نظمیں
58	مرغ اور موتی	اثر لکھنوی
59	ایک لڑکا	اختر الایمان
60	رات اور ریل	اسرار الحق مجاز
61	ملمع کی انگوٹھی	اسمعیل میرٹھی
62	ہونہار بیٹا	اکبر الہ آبادی
63	نشاط امید	الطاف حسین حالی
64	ہمارا وطن	برج نرائن چکبست
65	منے کی پھلواری	بیکل اتساہی
66	دوڑو لڑکو	پرویز شاہدی
67	وقت کی پکار	جگر مرادآبادی
68	اے مادرِ وطن ہندوستاں	جمیل مظہری
69	گرمی کی چھٹیاں	حامد اللہ افسر
70	بندر ناچ دکھائے	حسرت جےپوری
71	مرے عہد کے حسینو	ساحر لدھیانوی
72	بڑھے چلو	ساغر نظامی
73	صبح	سلام سندیلوی
74	اک جگنو کے ساتھ	سلام مچھلی شہری
75	اس جنگل میں مور بہت ہیں	شمس الرحمن فاروقی
76	کہانی ایک بچے کی	طفر گورکھپوری
77	اکیسویں صدی	عصمت جاوید
78	نوالہ	علی سردار جعفری
79	موڈرن کھلونا	قمر سنبھلی
80	ترانہ	محمد اقبال
81	ہم ایک ہیں	مظہر امام
82	آدمی نامہ	نظیر اکبرآبادی
غزلیں
83	غزل	خواجہ میر درد
84	غزل	شاد عظیم آبادی
85	غزل	فانی بدایونی
86	غزل	مومن خاں مومن
87	غزل	میر تقی میر
88	غزل	نذیر فتح پوری
89	حمد	الطاف حسین حالی
90	دعا	تلوک چند محروم
91	مرثیہ	ببر علی انیس
92	مثنوی	میر حسن
93	دوہے	مہدی پرتاب گڑھی
رباعیاں
94	رباعی	علقمہ شبلی
95	رباعی	فراق گورکھپوری
96	رباعی	فضا ابن فیضی
97	رباعی	یگانہ چنگیزی
98	قوالی	عبداللہ کمال
99	ماہیے	فراغ روہوی
100	لوری	محمد شفیع الدین نیر
101	دو سخنے اور پہیلیاں	امیر خسرو
102	کہہ مکرنیاں	شارق جمال
103	گیت	خضر برنی
ترجمے
104	خواہش	رابندرناتھ ٹیگور / شہناز نبی
105	چوروں کے پیر کالے	سداشیو ڈیکشٹ / خلیق انجم اشرفی

An anthology of Urdu kids Literature, Compiled by: Prof. Manazir Ashiq Harganvi, pdf download.