Khaleda ordered to appear in court on April 13
بنگلہ دیش کی ایک عدالت نے سابق وزیراعظم خالدہ ضیاء کو ایک کوئلہ معدن بد عنوانی کیس میں13اپریل کو حاضر عدالت ہونے کا حکم دیا۔ بی ڈی نیوز24ڈاٹ کام نے یہ اطلاع دیتے ہوئے بتایا کہ ڈھاکہ کی ایک عدالت نے بنگلہ دیش نیشنل پارٹی سربراہ اور15دیگر افراد کو حاضر عدالت ہونے کا حکم دیا جو بوڑو پوکور یا کوئلہ معدن رشوت ستانی کیس میں ملوث ہیں۔ کیس کے مطابق خالدہ ضیاء اور پندرہ دیگر ملزمین کے سبب سرکاری خزانہ کو20ملین ڈالرکانقصان اٹھانا پڑا ہے۔ یہ معاملہ چائنا نیشنل مشنری امپورٹ اینڈ اکسپورٹ کارپوریشن کے ساتھ ایک معاہدہ سے متعلق ہے جس کے تحت کمپنی معدن کے انتظام اور نگہداشت کی تمام ذمہ داریاں سونپی گئی تھیں۔ ہائی کورٹ نے 16اکتوبر 2008کو تین مہینے کے لئے مقدمہ کی سماعت ملتوی کردی تھی ۔ جب کہ خالدہ ضیاء نے کیس کو بند کردینے کی درخواست کی تھی ۔ خالدہ ضیاء نے15جنوری2012کو مستقل ضمانت حاصل کرلی تھی۔
کوئی تبصرے نہیں:
ایک تبصرہ شائع کریں