سشماسوراج کا مجوزہ دورہ سری لنکا
کولمبو
پی ٹی آئی
وزیر خارجہ سشما سوراج وزیر اعظم نریندر مودی کے دورہ سری لنکا کے لئے منچ تیار کرنے جمعہ کو یہاں پہنچیں گی ۔ گزشتہ زائد از25برسوں میں ایک ہندوستانی وزیر اعظم کا سری لنکاکا پہلا دورہ باہمی ہوگا ۔ اپنے دو روزہ قیام کے دوران سشما سوراج وزیر اعظم رانیل وکرما سنگھے اور وزیر خارجہ منگلا سما راویرا کے ساتھ مذاکرات کریں گی۔ سنڈے ٹائمس نے یہ اطلاع دی ۔ توقع ہے کہ وہ دورہ کے دوران صدر میتری پالا سری سینا سے بھی ملاقات کریں گی ۔ جس کو 13مارچ کو مودی کے دورہ کے ایک پیش خیمہ کے طور پر دیکھا جارہا ہے ۔ یہ وزیرا عظم مودی کا پہلا دورہ سری لنکا ہے جس کے دوران وہ امکان ہے کہ ٹامل آبادی کے غلبہ والے شمالی صوبہ میں جنگ زدہ جافنا اور مشرقی صوبہ میں ٹرینکو مالی کا دورہ کریں گے۔ سری لنکا میں اپنے قیام کے دوران ان کا جافنا، انورادھا پورہ اور کینڈی کا سفر طے ہے ۔ ایک رپورٹ میں یہ بات کہی گئی ہے ۔ صدارتی سکریٹریٹ کے ذرائع کا حوالہ دیتے ہوئے اس نے مزید کہا ہے کہ مودی کینڈی میں ڈالاڈامالی گاوا کا دورہ کریں گے اور اسٹیٹ سیکٹر میں جاریہ ہندستانی امکنہ پراجکٹس کا بھی معائنہ کریں گے ۔ مودی کا دورہ گزشتہ ماہ سری سینا کے دورہ دہلی کے بدلہ میں عمل میں آرہا ہے جس میں دیکھا گیا کہ دونوں ملکوں نے ایک سیول نیو کلیر معاہدہ پر دستخط کئے ۔ یہ جنوری میں صدر کے طور پر جائزہ حاصل کرنے کے بعد سے سری سینا کا یہ پہلا بیرونی دورہ تھا ۔ در حقیقت مودی کو سابق صدر مہنداراجا پکسا کی جانب سے سری لنکا کے دورہ کی دعوت دی گئی تھی تاہم راجہ پکسا کی میعاد کے دوران ہند۔ لنکا تعلقات کشیدہ ہوگئے تھے کیونکہ چین نے بندرگاہیں ، شاہراہیں تعمیر کرتے ہوئے ملک میں اپنے قدم میں توسیع کی ہے اور دیگر انفراسٹرکچر پراجکٹس میں بھی حصہ لے رہا ہے ۔ مودی ہندوستان کے پہلے وزیر اعظم ہیں جو1987کے جزیرہ کا دورہ کررہے ہیں ۔ اس وقت کے وزیر اعظم راجیو گاندھی کا منحرف انداز میں استقبال کیا گیا تھا کیونکہ ان پر ایک گارڈ آف آنر کے دوران سری لنکا کے ایک سپاہی نے اپنی بندوق کے کندے کا استعمال کرتے ہوئے ان پر حملہ کرنے کی کوشش کی تھی۔
Indian Foreign Secretary S Jaishankar lands in Thimphu on SAARC mission
کوئی تبصرے نہیں:
ایک تبصرہ شائع کریں