Pakistan ISI chief visits US; to discuss security, intelligence
پاکستان کی خفیہ ایجنسی آئی ایس آئی کے سربراہ لیفٹننٹ جنرل رضوان اختر اپنے اولین دورہ امریکہ پر روانہ ہوگئے ہیں تاکہ اعلیٰ امریکی عہدیداروں سے علاقائی سیکوریٹی کاؤنٹر تررازم اور انٹلی جنس جیسے موضوعات پر بات چیت کی جاسکے ۔ آئی ایس آئی سربراہ کا دورہ ان اطلاعات کے پس منظر میں ہورہا ہے کہ طالبان ،امریکہ، اور افغانستان کے ساتھ مذاکرات شروع کرچکے ہیں جن سے یہ امیدیں پیدا ہوگئی ہیں کہ اس سے ایک دہے سے زائد شورش ختم ہوجائے گی ۔ ڈی جی آئی ایس آئی امریکہ کے سرکاری دورہ پر پہنچے ہیں ۔ دورہ میں وہ اپنے ہم منصبوں سے ملاقات کریں گے اور انٹلی جنس سے متعلق مسائل پر تبادلہ خیال کریں گے۔ فوج کے ترجمان نے یہ بات بتائی ۔ رضوان اختر جنہوں نے گزشتہ سال نومبر میں انٹر۔ سرویسیز انٹلی جنس کے سربراہ کی حیثیت سے عہدہ حاصل کیا ہے ، توقع ہے کہ طالبان انٹلی جنس میں شراکت اور سرحدی سیکوریٹی میں اضافہ کے علاوہ علاقائی سیکوریٹی اور باہمی امور کے مسائل پر تبادلہ خیال کریں گے۔ یہ بھی توقع ہے کہ آئی ایس آئی سربراہ نیشنل سیکوریٹی کونسل کے عہدیداروں اور سنٹرل انٹلی جنس ایجنسی سربراہ جان اوبر ہنس کے علاوہ امریکی فوجی لیڈر شپ سے ملاقات کریں گے۔ پاکستان یہ مسئلہ بھی اٹھائے گاکہ طالبان سربراہ ملا فضل اللہ مبینہ طور پر افغانستان میں روپوش ہیں اختر وہ فوجی سربراہ جنرل راحیل شریف کے ہمراہ افغانستان بھی گئے تھے ۔ وہاں انہوں نے انسداد دہشت گردی میں تعاون میں اضافہ پر تبادلہ خیال کیا تھا۔
کوئی تبصرے نہیں:
ایک تبصرہ شائع کریں