یو این آئی
وزیر اعظم نریندر مودی کل یہاں ساتویں وائبر نٹ گجرات سمٹ کا افتتاح کریں گے ، جس میں کئی ممتاز شخصیتیں بشمول اقوام متحدہ کے جنرل سکریٹری بان کیمون اور جان کیری بھی شرکت کریں گے ۔ اس سہ روزہ چوٹی کانفرنس کا پہلی مرتبہ2003میں آغا ز عمل میں آیا تھا جب مودی گجرات کے چیف منسٹر تھے ۔ توقع ہے کہ اس چوٹی کانفرنس کی وجہ سے زائد از ایک لاکھ کروڑ روپے کی سرمایہ کاری تجاویز وصول ہوں گی ۔ مہاتما مندرکے احاطہ میں منعقد ہونے والی اس تقریب میں برطانیہ ، امریکہ، آسٹریلیا، جاپان ، سنگاپور ، نیدر لینڈ ، سوئیڈن ،کنیڈا، متحدہ عرب امارات ، اسرائیل ، بحرین اور افغانستان کے لئے ملکی سمینار کی میزبانی بھی کی جائے گی ۔ مودی کے علاوہ بان کیمون ، جان کیری، بھوٹان کے وزیر اعظم ، مقدونیہ کے وزیر اعظم ، مختلف ممالک کے ہائی کمشنرس اور سفیر بھی اس تقریب میں حصہ لیں گے ، جس کا13جنوری کو اختتام عمل میں آئے گا۔
PM Narendra Modi to Inaugurate Vibrant Gujarat Summit
کوئی تبصرے نہیں:
ایک تبصرہ شائع کریں