ہند نژاد ڈاکٹر وویک موتی امریکہ کے سرجن جنرل مقرر

واشنگٹن
آئی اے این ایس
ہندوستانی نژاد ڈاکٹر وویک ہیلگر مورتی نے امریکی سرجن جنرل منتخب ہوکر ملک میں ایک نئی تاریخ رقم کی ہے ۔ ڈیمو کریٹس اکثریت کے حامل سینٹ میں43کے مقابلہ میں51ارکان نے امریکاز ڈاکٹر کے لئے37سالہ ڈاکٹر مورتی کے تقرر کی توثیق کی ہے ۔ مورتی انگلینڈ میں پیدا ہوئے اور تین سال کی عمر میں اپنے ہندوستانی والدین کے ساتھ امریکہ منتقل ہوگئے ۔ صحت عامہ سے متعلق امور کی وہ ترجمانی کریں گے ۔ وہ پبلک ہیلتھ سرویس کمیشنڈ کور میں شامل6500بر سر خدمت ڈاکٹرس کے سربراہ بھی ہوں گے ۔ جو7وردی پوش خدمت گزاراداروں میں فوج ، بحریہ اور فضایہ کے ساتھ شامل ہے ۔ مورتی غیر شادہ شدہ ہیں۔ انہوں نے کہا کہ وہ انسداد قدیم عارضہ ، سگریٹ نوشی اور موٹاپا کے خلاف خدمات پر توجہ مرکوز رکھیں گے ۔