Pakistan cleric Qadri ends Islamabad protest
شعلہ بیان عالم دین علامہ طاہر القادری نے آج رات حکومت کے خلاف زائد از دو ماہ سے پاکستانی دارالحکومت میں جاری احتجاج ختم کردیا ہے لیکن انہوں نے کہا ہے کہ اب پورے ملک میں انقلاب کے اگلے مرحلہ کے تحت مظاہرے کئے جائیں گے ۔ اپنے حامیوں سے خطاب کرتے ہوئے طاہر القادری نے کہا کہ دھرنے انقلاب میں بدلے ہیں ۔ انہوں نے اعلان کیا کہ ان کی پاکستان عوامی تحریک حکومت کو ہٹانے کے لئے ایجی ٹیشن کے دوسرے مرحلہ کے طور پر ملک بھر میں احتجاج شروع کرے گی۔ انہوں نے کہا کہ احتجاج کے شرکاء اپنے سامان باندھ لیں اور اپنے گھروں کو چلے جائیں۔ علامہ طاہر القادری نے دوسرے شہروں میں کئے جانے والے مظاہروں کے شیڈول کا بھی اعلان کیا ۔ اگلا دھرنا23اکتوبر کو ایبٹ آباد میں دیاجائے گا جس کے بعد احتجاج ماہ محرم کے دوران روک دئیے جائیں گے ۔
کوئی تبصرے نہیں:
ایک تبصرہ شائع کریں