یو این آئی
لکھنو کے پرانے شہر میں آج بھی قدیم روایات برقرار ہیں جہاں مقدس ماہ رمضان کے دوران دکانات رات بھر کھلی رکھی جاتی ہیں۔اکبری گیٹ ، درگاہ حضرت عباس، سعادت گنج، نخاس ، کشمیری محلہ، مولوی گنج اور وکٹوریہ اسٹریٹ کے بازاروں میں دن بھر عوام کا ہجوم ہوتا ہے ۔ سڑک کنارے لگی دکانوں پر روایتی مغلائی کھانے دن رات دستیاب رہتے ہیں۔ ماہ رمضان میں نوابوں کے شہر لکھنو کی خصوصی آرائش و زیبائش کی جاتی ہے ۔ ماہ صیام کے دوران مسلمان مذہبی امور کی سخت پابندی کرتے ہیں اور دنیاوی مسرتوں سے دور رہتے ہیں ۔ بنی نوع انسان کی خوشحالی کے لئے وہ دن رات عبادتوں میں مصروف رہتے ہیں۔ اس ماہ کو تین عشروں میں تقسیم کیاجاتا ہے ۔ پہلا عشرہ رحمت ،دوسرا مغفرت ،اور تیسرے وآخری عشرہ کو نجات کا عشرہ کہاجاتا ہے ۔ ماہ رمضان کی فضیلت پر خطاب کرتے ہوئے مولان خالد رشید فرنگی محلی نے کہا کہ یہ وقت غریبوں کی تکالیف دور کرنے اور انہیں غذا ، کپڑے اور روپیہ پیسہ فراہم کرنے کا وقت ہے ۔ انہوں نے یہ بھی کہا کہ ماہ رمضان اللہ کے سامنے سرنگوں ہونے کا وقت ہوتا ہے ۔ یہ مہینہ محبت ، امن اور ہم آہنگی کا بھی پیام دیتا ہے ۔ یہ غریبوں کے غم دور کرتے ہوئے انہیں اپنی خوشیوں میں شامل کرنے اور صبر کا مہینہ ہے ۔ ایک قومی روزنامہ کے صحافی حیدر نقوی نے کہاکہ رمضان نہ صرف روزے رکھنے بلکہ تمام برائیوں سے بچنے کا بھی مہینہ ہے ۔
traditional style of Ramadan in Lucknow
کوئی تبصرے نہیں:
ایک تبصرہ شائع کریں