انہوں نے کہا کہ میں چاہتا ہوں اس ملک کا وزیر اعظم ایک ایسا شخص بنے جو سیکولر ہو اور اس سے اقلیتی طبقہ مسلمان ، عیسائی خوفزدہ نہ ہوں ۔ وہ ملک بھر کا لیٹر ہوں۔ امرتیہ سین بیر بھوم میں ووٹ ڈالنے کے لئے آئے ہوئے ہیں، امرتیہ سین2001ء کے اسمبلی انتخابات کے بعد اس مرتبہ اپنے حق رائے دہی کا استعمال کیا ہے ۔ سین کے بقول یہ انتخابات ہندوستان کے مستقبل کے تناظر میں کافی اہم ہے۔ اس لئے میں بھی اس کا حصہ بننے کے لئے آیا ہوں ۔ انہوں نے کہا کہ ان کے سامنے سب سے اہم مسئلہ ملک کا سیکولر ازم کا ہے ۔ سیکولرازم سے ہی ملک کا مستقبل وابستہ ہے۔ واضح رہے کہ گزشتہ جولائی میں نوبل انعام یافتہ سین نے کہا تھا کہ وہ نہیں چاہتے ہیں کہ نریندر مودی ملک کے وزیر اعظم بنیں ، کیوں کہ ان کے وزیر اعظم بننے سے ملک کا اقلیتی طبقہ خود کو محفوظ تصور نہیں کرتا ہے ۔ انہوں نے کہا تھا کہ میں چاہتا ہوں کہ ملک میں سیکولرازم اور زیادہ ہو تاکہ ملک کا اقلیتی طبقہ اپنے آپ کو محفوظ تصور کرنے لگے۔
Narendra Modi not a good PM candidate, says Amartya Sen
کوئی تبصرے نہیں:
ایک تبصرہ شائع کریں