Kashmir is jugular vein of Pakistan: General Raheel
پاکستان کی طاقتور فوج کے سربراہ جنرل راحیل شریف نے کشمیر کو پاکستان کی شہ رگ قرار دیتے ہوئے کہا کہ خطہ میں مستقل امن کے لئے تنازعہ کو کشمیری عوام کی خواہشات اور اقوام متحدہ کی سیکورٹی کونسل کی قرار داد وں کے عین مطابق حل کیاجانا چاہئے ۔ راولپنڈی میں قائم فوجی ہیڈکوارٹرس میں یوم شہیداں تقریب سے خطاب کرتے ہوئے راحیل شریف نے کشمیر کو بین الاقوامی سطح پر مسلمہ تنازعہ قرار دیا ۔ انہوں نے کہا کہ کشمیری عوام کی بے مثال قربانیاں ہرگز رائیگاں نہیں جائیں گی ۔ جنرل راحیل شریف حال ہی میں سعودی عرب کے سرکاری دورہ سے لوٹے ہیں ۔ انہوں نے ایک بار پھر اپنے موقف کا اعادہ کیا کہ مسئلہ کشمیر کو کشمیری عوام کی خواہشات اور ان کے عزائم کے علاوہ سیکوریٹی کونسل کی قرار دادوں کے مطابق حل کیاجانا ضروری ہے ۔ خطہ میں مستقل امن کے قیام کا یہ واحد ذریعہ ہے ۔ کشمیر کو پ اکستان کی شہ رگ قرار دینے کی روایت پرانی ہے تاہم فوجی سربراہ کا عہدہ سنبھالنے کے بعد سے جنرل راحیل شریف کی زبان سے یہ لفظ پہلی بار ادا ہوا ہے ۔ داخلی مسائل کا تذکرہ کرتے ہوئے انہوں نے کہا کہ پاکستانی فوج جمہوریت کو مستحکم دستور العمل کی برتری اور قانون کی حکمرانی کی تائید کرتی ہے ۔ انہوں نے یہ بھی کہا کہ پاکستان آزادی پریس اور صحافت پر یقین رکھتا ہے۔
کوئی تبصرے نہیں:
ایک تبصرہ شائع کریں