US releases $450 million in frozen Iran funds
متنازعہ ایرانی نیوکلیئر پوہیروگرام کے سبب منجمد کردہ کچھ ایرانی اثاثوں پر سے پابندی ہٹاتے ہوئے امریکہ نے اپنی وزارت خزانہ کو اجازت دے دی کہ ایران کو 450 ڈالر کی رقم جاری کردی جائے ۔ امریکی محکمہ خارجہ کے حوالے سے بتایاگیا کہ ایران اور عالمی طاقتوں کے مابین عبوری مفاہمت کے تحت ایک طرف جہاں ایرانی حکومت نے تمام تر وعدوں کا پاس رکھا ہے وہیں امریکہ میں منجمد اس کے کچھ اثاثوںپر سے پابندی ختم کی جا رہی ہے ۔ اس امریکی اقدام سے قبل اقوام متحدہ کی بین الاقوامی ایجنسی برائے نیو کلیئر توانائی ( آئی اے ای ) نے ایک تازہ رپورٹ میں کہا کہ نومبر میں طے پانے والی اس 6 ماہی معاہدہ کے تحت حکومت ایران نے اپنی متنازعہ نیو کلیئر سرگرمیوں پر جزوی روک لگا دی ہے۔ عالمی طاقتوں اور ایران کے مابین گزشتہ برس طئے پایا تھاکہ ایران اپنی نیو کلیئر سرگرمیوں کا دائرہ محدود کر دے گا۔ دوسری طرف ایران پر عائد عالمی پابندیوں پر بھی نرمی کی جائے گی۔ یہ اہم امر ہےکہ اسرئیل اور مغربی ممالک کو خدشات لاحق ہیں کہ ایران اپنے نیو کلیئر پروگرام سے ایٹمی ہتھیاروں کی تیاری کی کوشش میں ہے ۔ تاہم تہران ایسے الزامات کو مسترد کرتے ہوئے کہتا ہےکہ اس کا نیو کلیئر پروگرام پر امن مقاصدکے لئے ہے ۔
کوئی تبصرے نہیں:
ایک تبصرہ شائع کریں