Left-wing outsider Hamdeen Sabahi to run for Egypt president
مصر کے بائیں بازو کے سیاستداں حمدین صباحی نے صدارتی انتخاب میں حصہ لینے کی خاطر آج سرکاری طور پر اپنا پرچۂ نامزدگی داخل کر دیا۔ اس طرح وہ آئندہ ماہ منعقد شدنی انتخاب کے لیے دوسرے امیدوار بن گئے ہیں۔ جبکہ پہلے امیدوار فوج کے سابق سربراہ عبدالفتح السیسی بھی مقابلہ کر رہے ہیں اور ان کے منتخب ہونے کی توقع کی جا رہی ہے۔ یہ انتخاب 26-27 مئی کو منعقد کیا جانے والا ہے۔ مصری پاپولر کرنٹ نامی سیاسی اتحاد کے سربراہ صباحی سابق صدر حسنی مبارک کے دور میں ایک رکن پارلیمنٹ تھے۔ وہ 2012 کے صدارتی انتخاب میں تیسرے مقام پر رہے جس میں اخوان المسلمون کے محمد مرسی نے کامیابی حاصل کی تھی۔
کوئی تبصرے نہیں:
ایک تبصرہ شائع کریں