DIG orders to expedite arrest of absconding accused in Muzaffarnagar riots
اتر پردیش کے اعلیٰ عہدیداروں نے مظفر نگر فرقہ وارانہ فساد برپا کرنے والوں کو فوراً گرفتار کرنے کا حکم جاری کر دیا ہے۔ سہارنپور ڈی آئی جی رگھوبیر لال نے بتایا کہ ملک کی عدالت عظمیٰ نے فرقہ وارانہ فساد برپا کرنے والوں کو فوری گرفتار کرنے کا تحقیقاتی عہدیداروں کو حکم دیا ہے۔ پولیس عہدیداروں کے ساتھ منعقدہ اجلاس میں ڈی جی پی نے سپریم کورٹ کے احکامات سے دیگر عہدیداروں کو واقف کروایا اور کہا کہ فساد متاثرین اور عصمت ریزی کے شکار متاثرین کی شناخت کا کام جاری ہے تاکہ انہیں معاوضہ دیا جا سکے۔ سپریم کورٹ نے ریاستی حکومت کو حکم دیا تھا کہ فساد متاثرین کے فی کس خاندان کو 15 لاکھ اور عصمت ریزی کی شکار خواتین کو 5 لاکھ روپے معاوضہ دیا جائے۔ ایس آئی ٹی کی اطلاع کے مطابق مظفر نگر فسادات کے بعد تقریباً 800 افراد کو گرفتار کیا گیا تھا۔
کوئی تبصرے نہیں:
ایک تبصرہ شائع کریں