چلی میں آتشزدگی - 11 ہلاک - 500 سے زائد مکان خاکستر

14/اپریل والپاریسو (چلی) رائٹر

لاطینی امریکی ملک چلی کے بندرگاہی شہر والپاریسو میں زبردست آگ لگنے کے واقعہ میں مہلوکین کی تعداد کم از کم 11 ہو گئی ہے جبکہ 500 سے زائد مکانات جل کر خاکستر ہو گئے۔ آگ لگنے کے سبب ہزار ہا افراد کو محفوظ مقامات پر منتقل کیا گیا۔ سمندر کے کنارے بسے اس شہر میں کل آگ لگی تھی اور تیز ہواؤں کے سبب یہ کافی تیزی سے پھیل رہی ہے جس پر قابو پانے کے لیے طیاروں اور ہیلی کاپٹرس کا استعمال کیا جا رہا ہے۔ فائر بریگیڈ کے تقریباً 1200 ملازمین آگ پر قابو پانے کی کوشش کر رہے ہیں۔ یہ آگ تقریباً 1700 ہیکٹرس رقبہ کے جنگلات اور 2 رہائشی احاطوں میں پھیل گئی ہے۔ علاقے میں بیشتر مکانات لکڑی کے بنے ہیں جس سے آگ پر قابو پانے میں مشکلات درپیش ہیں۔ اسی دوران صدر مشیل باشیلے نے ایمرجنسی نافذ کر دی ہے۔

11 dead in Chile forest fire; 500 homes destroyed