ATF price hiked by 1%, non-subsidized LPG rate cut by Rs 53
جیٹ ایندھن اور اے ٹی ایف کی قیمت میں معمولی یعنی ایک فیصد اضافہ کیا گیا ہے جبکہ سبسیڈی سے عاری پکوان گیس ایل پی جی کے شرحوں میں فی سلنڈر 53.5 روپیوں کی کمی کردی گئی ہے۔ جس سے عالمی رجحان کا اظہار ہورہا ہے۔ ہوابازی ٹربائن ایندھن یا اے ٹی ایف کی قیمت میں دہلی میں فی کلو لیٹر 753.34 روپئے یا ایک فیصد بڑھاتے ہوئے اسے اسے 74825.54 روپئے فی کلو لیٹر کردیاگیاہے۔ انڈین آئیل کارپوریشن نے یہ بات بتائی۔ کمپنی ملک میں ایندھن کی سب سے بڑی ریٹیلر ہے۔ یکم جنوری کو بین الاقوامی تیل کی قیمتوں میں 3فیصد کمی کی گئی تھی تاہم بعد ازاں قیمتوں میں اضافہ ہوا اور امریکی ڈالر کے مقابلہ میں روپئے کی قدر میں گراوٹ پیدا ہوئی جس کے نتیجہ میں درآمدات پر زیادہ مصارف عائد ہونے لگے۔ ممبئی میں جیٹ کی قیمت فی کلو لیٹر 77322.6 روپئے ہے۔ ماضی میں اس کی قیمت 76524.33 روپئے فی کلو لیٹر تھی۔ آئی او سی ذرائع نے یہ بات بتائی۔ مقامی سیل ٹیکس یا اضافی قدر ٹیکس (ویاٹ) کی مختلف شرحوں کے نتیجہ میں ملک کے جداگانہ ایرپورٹ پر قیمتوں میں فرق پایا جاتا ہے۔
کوئی تبصرے نہیں:
ایک تبصرہ شائع کریں