Rahul woos women voters, vows empowerment
بی جے پی اور آر ایس ایس پر سخت نکتہ چینی کرتے ہوئے راہول گاندھی نے آج کہا کہ اپوزیشن خواتین کا احترام نہیں کررہی ہے اور ان کی نظر ساز سنگٹھن میں خواتین کے لئے کوئی جگہ نہیں ہے ۔ ان کے لیڈرس کیا کہتے ہیں اور کیا کرتے ہیں وہ آپ اچھی طرح جانتے ہیں۔ مجھے تفصیل بتانے کی ضرورت نہیں ہے ۔ انہوں نے یہاں خواتین کی ایک ریلی میں یہ بات کہی۔ کانگریس کے نائب صدر نے خواتین کوبااختیار بنانے کے عزم کااظہار کیا اور کہاکہ پارٹی کا مقصد انتخابی عمل میں زیادہ خواتین کوآگے لانا ہے ۔ ہندوستان اس وقت تک سوپر پاور نہیں ہوسکتا تاوقتیکہ خواتین کوبااختیار نہ بنایا جائے۔ جب کبھی خواتین کو باختیار بنایا جاتا ہے اور انہیں ایک موقع دیا جاتا ہے تو وہ ریاستیں تیزی کے ساتھ ترقی کرتی ہیں۔ ہم اس بات کے خواہاں ہیں کہ خواتین کو سیاست پنچایتو، ں اسمبلیوں اور پارلیمنٹ میں مساوی مواقع دیا جائے ۔زیادہ سے زیادہ خواتین قابل دید ہونی چاہئیں۔کانگریس لیڈر نے کہاکہ وہ یقینی بنانے کے خواہشمند ہیں کہ ایک دن ایسا آئے گا جب شام اور رات کے اوقات میں اور بسوں میں بنا خوف کے خواتین نقل وحرکت کرسکیں۔ میں اس بات کا خواہاں ہو کہ تحفظ ،آزادی اور بنا خوف کے ساتھ ہر ایک شعبہ میں ان کی نمائندگی ہو۔ راہول گاندھی نے کہاکہ اترپردیش حکومت ، کانگریس کی زیر اقتدار کرناٹک حکومت کے نقش قدم پر چلی ہے اورخواتین کو سیلف ہیلپ گرو اسکیم پر عمل آوری کررہی ہے ۔خواتین کے تحفظات بل کا حوالہ دی تے ہوئے انہوں نے اس امید کااظہار کیاکہ یہ بل پارلیمنٹ میں منظور ہوگا۔ انہوں نے مہاتماگاندھی قومی دیہی روزگار ضمانت اسکیم اور فوڈ بل کا حوالہ دیا۔ فوڈ بل جیسے یوپی اے حکومت،؟متل فلاحی پروگراموں کا تذکرہ کیا جس کے تعلق سے انہوں نے کہاکہ خٰاتین کے لئے اس پر عمل آوری کی جارہی ہے ۔ ا نہوں نے کہاکہ یوپی اے حکومت نے مخالف عصمت ریزی قوانین پر بھی کام کیا ہے ۔ ہم اس ملک کی ترقی میں آپ کی طاقت کو استعمال کرنے کے خواہاں ہیں۔ ہم خواتین کے لئے اسکولوں ، ہسپتالوں اور پارلیمنٹ کے دروازے کھلے رکھنے کے خواہاں ہیں۔ کیونکہ آپ کے بغیر کوئی ترقی نہیں ہوسکتی۔
کوئی تبصرے نہیں:
ایک تبصرہ شائع کریں