Kolkata gang rape case: NCW demands inquiry against police officials
قومی کمیشن برائے خواتین نے آج مطالبہ کیا کہ حکومت مغربی بنگال ان پولیس عہدیداروں کے خلاف تحقیقات کا حکم دے جنہوں نے مبینہ طورپر ایک 16 سالہ لڑکی کے خاندان کے ساتھ غلط برتاؤ کیا تھا جس کی عصمت ریزی کی گئی اور قتل کردیاگیاتھا۔ ہم نے چیف منسٹر مغربی بنگال کو مکتوب لکھا ہے اور مطالبہ کیا ہے کہ پولیس عہدیداروں کو جنہوں ین لڑکی کے خاندان سے غلط برتاؤ کیا تھا انہیں معطل کردیاجائے اور ایک انکوائری کرائی جائے۔ نیشنل کمیشن برائے خواتین کی صدرنشین ممتا شرما نے آج یہاں لڑکی کے ارکان خاندان سے ملاقات کے بعد یہ بات کہی۔ ہم نے ممتا بنرجی سے یہ بھی کہا کہ متاثرہ کے خاندان کو پولیس تحفظ فراہم کیا جائے اور انہیں معاوضہ دیا جائے۔ انہوں نے مزید کہاکہ قومی کمیشن برائے خواتین کاایک وفد وہاں حالات کا جائزہ لینے کے لئے جلد ہی چند خواتین تنظیموں کے نمائندوں کے ساتھ مغربی بنگال کا دورہ کرے گا۔ قبل ازیں دن میں اجتماعی عصمت ریزی کی متاثرہ لڑکی کے ارکان خاندان نے قومی کمیشن برائے خواتین کی صدرنشین کو ایک یادداشت پیش کی تھی اور مطالبہ کیا تھا کہ خاطیوں کے خلاف سخت کارروائی کی جائے۔ ہم کو مغربی بنگال کی حکومت اور ریاستی انتظامیہ کی جانب سے انصاف نہیں ملا جنہوں نے جرم کے خاطیوں کے خلاف فوری کارروائی نہیں کی۔ بعدازاں ان ہی اشرار نے جن میں سے چند ریاست میں برسر اقتدار پارٹی سے قریب سمجھے جاتے ہیں ان کے خلاف ایک شکایت درج کرانے کی ہمت کرنے کیلئے سزا کے طورپر اس لڑکی کا اغوا کیا اور اس کو زندہ جلا ڈالا۔ لڑکی کے والد نے یہ بات بتائی۔
کوئی تبصرے نہیں:
ایک تبصرہ شائع کریں