بہرائچ کی ڈسٹرکٹ مجسٹریٹ کو ممبئی ہاف میراتھن میں تمغہ - Taemeer News | A Social Cultural & Literary Urdu Portal | Taemeernews.com

2014-01-25

بہرائچ کی ڈسٹرکٹ مجسٹریٹ کو ممبئی ہاف میراتھن میں تمغہ

IAS kinjal singh
اتر پردیش کے ضلع بہرائچ کی ڈسٹرکٹ مجسٹریٹ کنجل سنگھ [Kinjal Singh] کو "کھلاڑی آئی۔اے۔ایس" کا خطاب دیا جا سکتا ہے۔ کیونکہ انہوں نے 19/ جنوری کو ممبئی ہاف میراتھن میں تمغہ حاصل کیا ہے۔ اور انہوں نے اپنا یہ میڈل ضلع بہرائچ کے نوجوانوں کے نام وقف کیا ہے ۔

كنجل سنگھ کا کہنا ہے کہ ملک کے نوجوانوں میں بہت طاقت ہے ۔ نوجوان اگر ٹھان لے تو کچھ بھی کر کے دکھا سکتا ہے ۔ اپنی اس فتح کے ساتھ آئی اے ایس كنجل سنگھ نے انٹرنیشنل لیول کے مقابلہ کے لئے کوالیفائی کر لیا ہے ۔

آئی اے ایس كنجل سنگھ میراتھن میں شرکت کے لئے کافی دنوں سے کوشش کر رہی تھیں ۔ اس کے لئے وہ اپنی رہائش گاہ پر باقاعدگی سے مشق کرتی تھیں ، لیکن کچھ دن پہلے طبیعت خراب ہونے کے سبب انہیں محسوس ہوا کہ اس سال میراتھن میں شرکت کا ان کا خواب ٹوٹ جائے گا ۔ اس کے باوجود انہوں نے ہمت نہیں ہاری اور فٹنس ٹسٹ میں کامیابی کے بعد ممبئی ہاف میراتھن میں حصہ لیا ۔

21 کلومیٹر کی دوڑ كنجل سنگھ نے 2 گھنٹے 34 منٹ 58 سیکنڈ میں مکمل کی۔ واضح رہے کہ كنجل سنگھ ایک اچھی رنر بھی ہیں ۔ گذشتہ سال مقامی اندرا اسٹیڈیم میں ہوئی کراس کنٹری دوڑ میں بھی انہوں نے اپنا جوہر دکھایا تھا۔

Bahraich DM completes half marathon in 2.30hrs

کوئی تبصرے نہیں:

ایک تبصرہ شائع کریں