Rahul Gandhi dubs BJP as 'master of corruption'
راہول گاندھی نے بی جے پی پر کرپشن میں مہارت حاصل کرنے کا الزام لگایا اور کہا کہ چھتیس گڑھ اور مدھیہ پردیش اس کا ثبوت ہیں ۔ انہوں نے راجستھان کے ووٹرس سے اپیل کی کہ وہ کانگریس کو دوبارہ منتخب کریں ۔ کانگریس کے نائب صدر نے ایک انتخابی ریالی سے خطاب کرتے ہوئے کہا کہ بی جے پی ہمسے ایک کام زیادہ کرتی ہے وہ کرپشن میں ملوث ہے ۔ مدھیہ پردیش اور چھتیس گڑھ حکومتوں کا حال دیکھئیے انہوں نے نہ صرف کرپشن میں مہارت حاصل کی ہے بلکہ بڑی تیزی سے ایسا کیا ہے ۔ راہول نے مزید کہا کہ راجستھان کی کانگریس حکومت نے بی جے پی کی سابقہ حکومت کے مقابلہ میں کافی زیادہ کام کیا ہے ۔ جئے پور سے 500کیلومیٹر دور بانسواڑہ ضلع کے قبائیلی علاقہ میں انتخابی ریالی سے خطاب کرتے ہوئے راہول گاندھی نے کہا کہ ہم اچھی اور بہتر سڑکیں بناتے ہیں ، ریلوے لائن ڈالتے ہیں ، ایر پورٹس تعمیر کرتے ہیں ، ہم ہر بات میں اپوزیشن سے آگے ہیں ۔ میں پبلک پلیٹ فارم سے یہ بات کہناچاہتاہوں کہ اپوزیشن ہم سے صرف ایک بات میں آگے ہے اور وہ ہے کرپشن ۔ انداز 25تا30ہزار کے مجمع سے خطاب کرتے ہوئے راہول گاندھی نے کاہ کہ چھتیس گڑھ اور مدھیہ پردیش میں جہاں بی جے پی کی حکومت ہے ، بدعنوانی بہت زیادہ ہے ۔ راہول گاندھی نے 15منٹ کے اپنے خطاب میں کہا کہ یہ انتخابی لڑائی دو جماعتوں کے درمیان نہیں بلکہ سوچ کے دوطریوں کے درمیان ہے ۔ انھوں نے کہا ہے کہ کاگریس انفرااسٹرکچر کی ترقی پر توجہ مرکوز کررہی ہے اور غریبوں کے لئے فلاحی اسکیمات شروع کررہی ہے ۔ انھوں نے کہا کہ بی جے پی صرف انفااسٹرکچر تعمیر کررہی ہے اور غریبوں کو نظر انداز کررہی ہے انھوں نے دعوی ، کیا کہ کانگریس کے دور میں این ڈی اے کے دور سے 3گنا زیادہ سڑکیں تعمیر ہوئی ہیں ۔ راجستھان میں 1200میگاواٹ کا برقی پراجکٹ اشوک گیہلوٹ کے دور میں قائم کیا گیا ۔ انھوں نے کہا کہ قبائیلوں ، دلتوں ، غریبوں اور دیگر پسماندہ طبقات کی بہبودی ہماری اولین ترجیح ہے ۔
کوئی تبصرے نہیں:
ایک تبصرہ شائع کریں