SC orders examination of AAP's funding
دہلی ہائیکورٹ نے آج مرکز سے کہا کہ وہ عام آدمی پارٹی کے کھاتوں کا از سر نو جائزہ لے تاکہ اس کے قیام کے بعد اسے موصول ہونے والی رقومات کے ذرائع کا پتہ چلا یا جاسکے۔ جسٹس پردیپ نندر جو اور جسٹس وی کے راؤ پر مشتمل بنچ نے مرکز کے وکیل سے کہا کہ عام آدمی پارٹی کے کھاتوں کا جائزہ لینے کے بعد 10دسمبر کو اسے اطلاع دیں۔ بنچ نے کہا کہ اگر بیرونی زر مبادلہ قانون کی خلاف ورزی کا پتہ چلے تو عام آدمی پارٹی کے خلاف کارروائی کی جائے یا عدالت کو اطلا ع دی جائے۔ عدالت میں ایک درخواست گذار ایڈوکیت ایم ایل شرما کی مفاد عامہ کی درخواست کی سماعت ہورہی تھی جس میں عام آدمی پارٹی کے قومی کنوینز اروند کجریوال اور اس کے بعض ارکان کے خلاف فوجداری مقدمہ درج کرنے کی گذارش کی گئی تھی۔ درخواست گذار نے الزام عائد کیا کہ بیرونی زر مبادلہ قانون کی خلاف ورزی کرتے ہوئے پارٹی نے فنڈس حاصل کئے ہیں۔ مرکز کی اسٹانڈنگ کمیٹی کی وکیل رچا کپور نے عدالت میں ایک رپورٹ داخل کی تھی جس میں کہا گیا تھا کہ ٹیم انا کی سیول سوسائٹی کے کھاتوں کی 2012میں جانچ پڑتال کی گئی تھی۔
کوئی تبصرے نہیں:
ایک تبصرہ شائع کریں