Meeting with Manmohan Singh 'productive': Nawaz Sharif
پاکستانی وزیر اعظم نواز شریف نے اپنے ہندوستانی ہم منصب منموہن سنگھ کے ساتھ پہلی ملاقات کو ثمر آور قرار دیتے ہوئے کہا کہ دونوں ممالک کے درمیان تعلقات کی بحالی صرف بات چیت کے ذریعہ ہی ممکن ہے۔ اقوام متحدہ جنرل اسمبلی اجلاس میں شرکت کے بعد لندن کے ہیتھر و ایر پورٹ پر صحافیوں کے ساتھ بات چیت کرتے ہوئے نواز شریف نے کہا کہ 2ہمسایہ ممالک کے درمیاں حالات اور تعلقات کو معمول کے مطابق بنانے میں پیش رفت صرف بات چیت سے ہی ہوسکتی ہے۔ نواز شریف نے منموہن سنگھ کے ساتھ اپنی ملاقات کو ثمر آور قرار دیتے ہوئے بتایا کہ اہم مسائل پر ہم نے بات چیت کی جن میں مسئلہ کشمیر اور سرکریک بھی شامل ہے۔ ریڈیو پاکستان نے یہ اطلاع دیتے ہوئے بتایا کہ نواز شریف نے منموہن سنگھ کے ساتھ بات چیت کے دوران بلو چستان میں ہندوستانی مداخلت کی جانب بھی اشارہ کیا۔ انہوں نے ایک سوال کا جواب دیتے ہوئے کہا کہ دہشت گردی کا مسئلہ صرف پاکستان تک ہی محدود نہیں بلکہ کئی دیگر ممالک کو بھی یہ سنگین چیلنچ درپیش ہے۔
کوئی تبصرے نہیں:
ایک تبصرہ شائع کریں