سائیکل پر پابندی ہٹانے کیلئے ممتا کو میدھا کا خط

12/ستمبر کولکاتا ایس۔این۔بی

جانی مانی سماجی کارکن میدھا پاٹکر نے خط لکھ کر مغربی بنگال کی وزیراعلیٰ ممتا بنرجی سے اپیل کی ہے کہ وہ کولکاتہ میں سائیکلو چلانے پر لگی پابندی ہٹائیں۔ میدھا نے ممتا کو لکھے گئے خط میں کہا ہیکہ سائیکل چلانے پرپابندی کا فیصلہ غریبوں اور ایسے کاروباری لوگوں کے خلاف ہے جو روزی روٹی کیلئے ٹرانسپورٹ کے طورپر اس سستے ذریعہ پر انحصار کرتے ہیں۔ میدھا نے ممتا سے کہاہے کہ وہ یہ جان کر حیرت میں ہیں کہ کولکاتا ٹریفک پولیس نے حال ہی میں شہر کے174بڑے اور چھوٹے سڑکوں پر سائیکل، تانگا، رکشہ، ٹرائی سائیکل اور غیر موٹر ٹرانسپورٹ کے ذرائع پر پابندی کا فرمان جاری کیاہے۔ ٹرانسپورٹ کے ان ذرائع پر لگی پابندی ہٹانے کا مطالبہ کرتے ہوئے نرمدا بچاؤ تحریک کے رہنما میدھا نے کہاکہ یہ ایک ایسا قدم ہے جو غریبوں اور کاروباری طبقے کے خلاف ہے ۔

Medha Patkar writes to Mamata for revocation of ban on cycling