ملائم کے خلاف آمدنی سے زائد اثاثہ کا کوئی مقدمہ نہیں - سماجوادی پارٹی کا دعویٰ

02/ستمبر لکھنؤ ایجنسیاں

سماج وادی پارٹی کے جنرل سکریٹری رام گوپال یادو نے آج دعویٰ کیا ہے کہ سماج وادی پارٹی کے سربراہ ملائم سنگھ یادو اور اترپردیش کے وزیراعلیٰ اکھلیش یادو کے خلاف آمدنی سے زائد اثاثوں کا کوئی مقدمہ نہیں ہے۔ انہوں نے یہاں نامہ نگاروں سے گفتگو کرتے ہوئے ایک سوال کے جواب میں کہاکہ ان دونوں کے خلاف مقدمہ کی بات بے بنیاد ہے۔ انہوں نے دعویٰ کیا کہ ان دونوں کے معاملہ کی صرف ابتدائی جانچ ہوئی ہے ۔ مقدمہ درج ہونے کی بات غلط ہے۔ انہوں نے ایک سوال کے جواب میں کہاکہ ہم ہر وقت لوک سبھا الیکشن کیلئے تیار ہیں۔ ہم اپنے امیدواروں کی حالت کا جائزہ لے رہے ہیں۔ ہماری تیاری پوری ہے۔ رائے بریلی اور امیٹھی سے امیدوار کھڑا کرنے کے سوال پر انہوں نے کہاکہ کیا آپ لوگ اس معاملہ پر اتنے بیتاب کیوں ہیں۔ انہوں نے اس بات سے انکار کیا کہ سماج وادی پارٹی کا کانگریس سے کبھی کوئی سمجھوتہ نہیں ہوا ہے ۔ انہوں نے الزام لگایا کہ کانگریس کی پالیسیاں کبھی ملک کی مفاد میں نہیں رہیں۔ ملک کی موجودہ صورتحال پر انہوں نے کہاکہ معاشی حالات بہت خراب ہیں اور ایمرجنسی جیسی صورتحال ہے جو خطرے کی نشانی ہے ۔ ان حالات کیلئے کانگریس ذمہ دارہے۔ انہوں نے بی جے پی کو نشانہ بناتے ہوئے کہاکہ وہ خوابوں میں جینے والی پارٹی ہے۔ دریں اثناء باوثوق ذرائع کا کہنا ہے کہ پارلیمنٹ کے مانسون اجلاس کے بعدملائم سنگھ کے خلاف آمدنی کے معلوم ذرائع سے زائد اثاثوں کا معاملہ بند کیاجاسکتاہے۔ کیونکہ سی بی آئی کو ان کے خلاف کوئی ثبوت نہیں ملا۔

DA case against Mulayam