Mamata: Investor protection Bill has not been returned or rejected
مرکزی حکومت کی جانب سے چٹ فنڈ کولوٹانے کی خبروں کے درمیان مغربی بنگال کی وزیراعلیٰ ممتا بنرجی نے جمعہ کو کہا کہ صدر کی رضامندی کیلئے بھیجے گئے بل پر کچھ وضاحتیں مانگی گئی ہیں۔ ممتا بنرجی نے نامہ نگاروں سے کہاکہ مرکزنے بل نہیں لوٹایا ہے بل بالکل درست ہے۔ مرکز نے صرف تین نکات پر وضاحت طلب کی ہے۔ وہ اس طرح کی وضاحت مانگ سکتے ہیں یہ ان کا استحقاق ہے جن تین نکات پر وضاحت طلب کی گئی ہے، ان میں خاص عدالتوں کے اختیارات میں اضافہ کرنا اور عدالت کی طرف سے پیشگی ضمانت کی منظوری نہیں دینا شامل ہے۔ اس کے ساتھ ہی مرکز نے جرائم پر نئی تجاویز کا مشورہ دیا ہے۔ انہوں نے کہاکہ ہم نے آج میٹنگ کی ہے اور مرکز کے تمام تین پوائنٹس پر اتفاق کیا ہم آج اپنا جواب بھیج رہے ہیں ہمیں امید ہے کہ مرکز تاخیر نہیں کرے گا اور ہمارے بل کو صدر کی منظوری کیلئے بھیج دے گا۔ ترنمول کانگریس کی حکومت نے مالیاتی اداروں میں مغربی بنگال سرمایہ کار مفاد تحفظ بل 2013بناکر اسے 30 اپریل کو ریاست اسمبلی میں پاس کردیا۔ شاردا چٹ فنڈ گھوٹالے کے بعد یہ بل تیار کیا گیا۔ بائیں بازو اور کانگریس کی جماعتوں کی تنقید پر انہوں نے کہاکہ ان کی حکومت چوکس ہے اور شاردا چٹ فنڈ گھوٹالے کے سلسلے میں بل کو فوری طورپر پاس کرالیا گیا۔
کوئی تبصرے نہیں:
ایک تبصرہ شائع کریں