Google And Facebook Deny Prism Spying Claims Amid Reports
انٹرنیٹ کمپنیوں کے ذریعہ بیرونی افراد کے بارے میں معلومات حاصل کرنے کے حکومت کے خفیہ نظام پر امریکہ میں جاری ہنگامہ کے دوران گوگل اور فیس بک نے ایسے کسی پراجکٹ کا حصہ ہونے کی واضح طورپر تردید کی ہے۔ امریکہ کی دونوں بڑی ٹکنالوجی کمپنیوں نے کہا ہے کہ انہیں ایسے کسی پروگرام کے بارے میں کل تک کوئی اطلاع نہیں تھی۔ اس پروگرام کو "پریزم" کا خفیہ نام دیا گیا ہے۔ کمپنیوں نے کہاکہ قومی اور بین الاقوامی اخبارات کی سرخیوں میں آنے کے بعد ہی انہیں ایسے پروگرام کے بارے میں اطلاع ملی ہے۔ فیس بک کے بانی مارک زوکر برگ نے کل فیس بک پر اپنے ایک بیان میں کہاکہ فیس بک امریکہ یا کسی اور حکومت کے کسی پروگرام کا حصہ نہیں رہا ہے اور نہ رہے گا۔ ہم اپنے سرورس تک کسی بھی حکومت کو راست رسائی فراہم نہیں کرتے۔
کوئی تبصرے نہیں:
ایک تبصرہ شائع کریں