Bangladesh clashes rage over blasphemy law
ڈھاکہ کی سڑکوں پر آج اسلام پسندوں اور پولیس کے درمیان زبردست لڑائی ہوئی۔ اس لڑائی میں 14افراد ہلاک ہو گئے ۔ اسلام پسندوں سے لڑائی کے بعدپولیس نے دارالحکومت میں ریالیوں پر امتناع عائد کر دیا۔ اسلام پسندوں نے مطالبہ کیا کہ اہانت اسلام قوانین کو زیادہ سخت بنایاجائے ۔ بنگلہ دیش میں ایک نئی تنظیم "حفاظت اسلام" تنظیم قائم کی گئی ہے ۔ حفاظت اسلام تنظیم نے 13نکاتی منشور مطالبات حکومت کو پیش کیا ہے ۔ ان مطالبات کے ذریعہ عوامی لیگ کی سیکولر حکومت پر دباؤ ڈالا گیا ہے ۔ اس تنظیم نے مطالبہ کیا کہ اہانت اسلام کے مرتکبین اور پیغمبرﷺ کی اہانت کرنے والوں کے خلاف قانون سخت بنایاجائے ۔ بنگلہ دیشی پولیس اور نیم فوجی دستوں نے ہزاروں اسلام پسندوں کو منتشر کر دیا۔ پولیس اور نیم فوجی دستوں اور اسلام پسندوں کے درمیان زبردست لڑائی میں تین پولیس اہلکاراور ایک فوجی ہلاک ہو گیا۔ پرتشدد مظاہروں اور ہلاکتوں کے بعد شہر میں ریالیاں نکالنے پر امتناع عائد کر دیا گیا۔
کوئی تبصرے نہیں:
ایک تبصرہ شائع کریں