Pak-Afghan border issue resolved
پاکستانی فوج نے کہا ہے کہ افغانستان سے متصل سرحد پر چوکیوں کی تعمیر پر پیدا شدہ تنازعہ خوش اسلوبی سے حل کرلیا گیا ہے۔ پاکستانی فوج کے ادارے ’’آ’ی ایس پی آر ،، کی جانب سے جاری کئے جانے والے ایک بیان میں کہا گیا ہے کہ افغان نیشنل آرمی کے ڈائرکٹر جنرل ملٹری آپریشنز میجر جنرل افضل امان کی سربراہی میں ایک وفد نے پاک فوج کے ڈی جی ملٹری آپریشنز اشفاق ندیم احمد کے ساتھ ملاقا ت کی۔ بیان کے مطابق ملاقات میں سرحدی معاملات پر تعاون میں اضافے پر تبادلہ خیال کیا گیا۔ بیان میں کہا گیا ہے کہ ملاقات میں مہمند ایجنسی میں چوکیوں کی تعمیر سمیت و دیگر سرحدی معاملات خوش اسلوبی سے طئے پاگئے ہیں اور دونوں ممالک نے سرحدوں پر تعاون میں اضافے کیلئے اس نوعیت کی ملاقاتیں جاری رکھنے پر اتفاق کیا ہے۔
کوئی تبصرے نہیں:
ایک تبصرہ شائع کریں