شمالی و جنوبی کوریا - عدم جارحیت معاہدے کا اختتام - Taemeer News | A Social Cultural & Literary Urdu Portal | Taemeernews.com

2013-03-09

شمالی و جنوبی کوریا - عدم جارحیت معاہدے کا اختتام

اقوام متحدہ کی سلامتی کونسل کی جانب سے متفقہ طورپر شمالی کوریا کے خلاف نئی پابندیاں عائد کرنے کے بعد شمالی کوریا نے اعلان کیا ہے کہ وہ جنوبی کوریا کے ساتھ عدم جارحیت کے تمام معاہدے ختم اور دونوں ممالک کے درمیان ہاٹ لائین اور سرحدی راستے بند کر رہا ہے ۔ واضح رہے کہ شمالی کوریا پر یہ پابندیاں وہاں کی حکومت کی طرف سے 12فروری کو ایٹمی تجربہ کے جواب میں عائد کی گئی ہیں ۔ و وٹنگ سے کچھ دیر قبل شمالی کوریا نے دھمکی دی تھیکہ وہ ملک کے اعلیٰ مفاد کی خاطر امریکہ اور جارحانہ رویہ رکھنے والی دیگر طاقتوں کے خلاف حفظ ماتقدم کے طورپر ایٹمی ہتھیار استعمال کر سکتا ہے ۔ اقوام متحدہ میں چین کے مندوب بے قرارداد کی منظوری کے بعد کہا کہ موجودہ کشیدگی کو کم کرنا چین کی اولین ترجیح ہے اور شمالی کوریا کے ایٹمی پروگرام پر مذا کرات کا دوبارہ آغاز ہونا چاہئے ۔ اقوام متحدہ کی سلامتی کونسل نے شمالی کوریا کے خلاف اس سے پہلے 2006 اور 2009 میں پابندیاں عائد کی تھیں ۔ نئی پابندیوں کے تحت ہر طرح کے سامان آسائش تک کمیونسٹ کوریا کے حکمران طبقے کی رسائی پر بھی پابندی ہو گی۔

North Korea ends peace pacts with South

کوئی تبصرے نہیں:

ایک تبصرہ شائع کریں