Want NDA's PM candidate announced before elections: Nitish Kumar
این ڈی اے سے وزیراعظم کے عہدے کیلئے امیدوار کسے بنایاجائے اس سوال پر جاری گرما گرم بحت کے دوران چیف منسٹر بہار نتیش کمار نے آج خیال ظاہر کیا کہ اعلیٰ ترین عہدہ کیلئے امیدوار کے نام کا اعلان انتخابات سے قبل کر دیا جانا چاہئے اور امیدوار کا انتخاب این ڈی اے کے اجلاس میں ہونا چاہئے ۔ جنتا کے دربار میں مکھیا منتری پروگرام کے بعد صحافیوں سے بات چیت کرتے ہوئے انہوں نے کہاکہ یقینا لوک سبھا انتخابات سے قبل ہی این ڈی اے کے وزارت عظمی امیدوار کے نام کا اعلان ہونا چاہئے ۔ کمار نے تاہم اس بات کی تردید کی کہ انہوں نے کبھی یہ کہا کہ نام کا اعلان انتخابات سے کم ازکم ایک سال قبل کیاجائے ۔ جنتادل یولیڈر نے پارٹی صدر شردیادو کے اس خیال کی تائید کی کہ وزارت عظمی کے عہدہ کیلئے این ڈی اے کا انتخاب اپوزیشن اتحاد کے اجلاس میں ہونا چاہئے ۔
کوئی تبصرے نہیں:
ایک تبصرہ شائع کریں