پاکستان کو دوستی کی پیشکش ہماری کمزوری نہیں - صدر جمہوریہ پرنب مکرجی

25/جنوری نئی دہلی آئی۔این۔این

صدر جمہوریہ ہند پرنب مکھرجی نے آج پاکستان کو خبردار کیا کہ اس کی شہ پر کسی قسم کی دہشت گردی برداشت نہیں کی جاسکتی نیز ہمسایہ ملک کو دوستی کی پہلی کو ہماری کمزور نہیں سمجھنا چاہئے ۔ مسٹر مکھرجی نے یوم جمہوریہ سے قبل شام کو قوم سے خطاب کرتے ہوئے جموں و کشمیر میں کنٹرول لائن پر جنگ بندی کی حالیہ خلاف ورزی اور ایک ہندوستانی جوان کا سر قلم کئے جانے کو وحشیانہ حرکت سے تعبیر کیا۔ انہوں نے کہاکہ پڑوسیوں کے مابین اختلافات ہو سکتے ہیں ، سرحدوں پر تناؤ میں اضافہ ہو سکتا ہے لیکن دہشت گردوں کے ذریعہ خلفشار اور تشددکو ہوا دینا انتہائی تشویش کا باعث ہے ۔ صدر نے کہاکہ ہندوستان سرحدوں پر امن قائم رکھنے میں یقین رکھتا ہے ۔ اس لئے وہ دوستی کیلئے ہمیشہ پیش پیش رہتا ہے لیکن ہماری اس پہلی کو سرسری اور ہلکے پھلکے انداز میں نہیں لینا چاہئے ۔

Pakistan should not take our friendship's hand as weakness - Indian President