Govt increases LPG subsidy cap from 6 to 9, allows oil companies to revise diesel price
روزمرہ کی اشیاء کی قیمتوں میں مسلسل ہورہے اضافے سے ہکان عام آدمی پر حکومت نے مہنگائی کا بڑا بوجھ ڈالنے کا انتظام کر دیا ہے ۔ حکومت نے ڈیزل کی قیمت طئے کرنے کا حق جزوی طورپر تیل کمپنیوں کو دیدیا ہے ۔ اب سرکاری پٹرولیم کمپنیاں ایک خاص وقفہ پر ڈیزل کی قیمتیں بڑھاسکیں گی۔ خیال کیا جا رہا ہے کہ اب ڈیزل ہر ماہ تقریباً چالیس سے پچاس پیسے مہنگا ہو گا۔ اس سے آنے والے دنوں میں نہ صرف ریل اور ٹرک، بس کے کرائے میں اضافہ ہو گا بلکہ روزمرہ کی اشیاء بھی مہنگی ہو جائیں گی۔ ویسے مرکزی حکومت نے گھریلو خواتین کو فوری طورپر راحت دینے کیلئے سالانہ ملنے والے رعایتی ایل پی جی سلنڈر کی تعداد 6 سے بڑھا کر9 کر دی ہے ۔ اپریل2013ء سے ہر خاندان کو سال میں 9سبسیڈی والے سلنڈر ملیں گے ۔ رواں مالی سال 2012-13 کے باقی مہینوں میں گیس کنکشن رکھنے والوں کو مزید 2رعایتی سلنڈرس دئیے جائیں گے ۔ اس طرح سے ہر ایل پی جی صارف کو رواں مالی سال کے دوران 8رعایتی سلنڈر کی فراہمی ہو گی۔ ایل پی جی اور کیروسین کی قیمتوں میں کوئی اضافہ نہ کرنے کا فیصلہ کیا گیا ہے ۔
کوئی تبصرے نہیں:
ایک تبصرہ شائع کریں