ممبئی - آٹو اور ٹکسی میں الکٹرانک میٹر کا لزوم

21/دسمبر ممبئی ایجنسیاں

ریاستی حکومت نے بامبے ہائی کورٹ سے کہا کہ یکم مارچ 2013سے ممبئی کی سڑکوں پر بغیر الیکٹرانک میٹر آٹو رکشہ اور ٹکسی چلانے کی اجازت نہیں دی جائے گی۔ ریاستی حکومت نے دو رکنی بینچ کے جج جسٹس دھننجئے چندر چوڑاور جسٹس امجد سید کی عدالت میں اپنی رپورٹ پیش کی۔ آٹو رکشہ اور ٹیکسی کے کرایہ میں اضافہ کے خلاف ممبئی گراہک پنچایت کی عرضی پر سماعت کے دوران حکومت نے عدالت کو بتایا کہ آٹو رکشہ اور ٹیکسی کے میکانیکل میٹر کی جگہ الیکٹرانک میٹر تبدیل کرنے کی تاریخ ٹرافک محیکمہ کو بھیج دی گئی ہے ۔ اس سے قبل عدالت نے آٹو رکشہ کیلئے 31مارچ 2013 اور ٹیکسی کیلئے 30اپریل 2013طئے کی تھی۔ حکومت نے عدالت سے کہاکہ الیکٹرانک میٹر لگانے کا کام فروری تک مکمل کر لیاجائے گا۔ حالانکہ وکیل نے کہاکہ طئے شدہ تاریخ کے بعد بھی اگر بغیر الیکٹرانک میٹر کے آٹو رکشہ اور ٹیکسی چلتی ہے تو اس پر سخت کار روائی کی جائے گی۔ حکومت کی جانب سے اس طرح کا موقف اس وقت آیا جب ہائی کورٹ نے آٹو اورٹیکسی کیلئے الیکٹرانک میٹر کا کام 15جنوری 2013 تک ختم کرنے کی ہدایت دی تھی۔ عدالت نے کہاکہ حکومت کا تاریخ کی توسیع کا جواز مناسب نہیں ہے ۔ حکومت نے عدالت سے ڈیڈ لائن 31 جنوری سے بڑھانے کی درخواست کی تھی۔

mumbai electronic meter a must for auto taxi