عیسائیوں کی ایک مخصوص پارتی بنانے کی کوشش

حیدرآباد۔17 ڈسمبر۔(ایس۔این)۔ مذہب کا استعمال سیاسی پارٹیاں اپنے مفاد کے لئے کرتی ہیں یہ تو عام بات ہے، البتہ اس سے آگے بڑھکر بعض پارٹیاں شعبدہ بازیوں پر بھ تکیہ کرنے لگی ہیں۔چنانچہ اب تک مسلمانوں کا استحصال کیا جاتا رہا ہے جو کہ اظہر من الشمس ہے، اب عیسائیوں کو بھی رجحانے کے لئے ایک مخصوص سیاسی پارٹی نے اپنا ہمنوابنانے کی کوشش کی ہے۔ چونکہ یہ ایک حقیقت ہے کہ ریاست میں عیسائیوں کی آبادی میں بے تحاشہ اضافہ ہوا ہے۔ انہیں کوئی بھی سیاسی پارٹی نظر انداز نہیں کرسکتی۔
واضح رہے کہ اب تک بادشاہ گر کے طورپر مسلمان طبقہ جات کو استعمال کیاگیا، حالانکہ نیٹ منفعت وہاں بھی کچھ نہ دی گئی بلکہ بس استصحال ہی کیا گیا، ایسے ہی اب عیسائیوں کو بھی یہی رتبہ ملنے کی امید ہے، البتہ وہی ڈھاک کہ تین پات۔فائدہ کچھ ہونے والا نہیں، آج کل کی سیاسی پارٹیاں چاہے وہ کسی بھی مذہب کی ہوں، اپنا الو سیدھا کرکے خود بھی چلتے بنتی ہے۔اس لئے کسی بھی طبقہ اور عوام کو چاہئے کہ وہ سیاسی بصیرت نہ سہی کچھ نہ کچھ آنکھیں کھول ضرور رکھے۔

Special Political Party for Christians